Redaktor seçimi
Siqaret və dərman oliqarxı: Cavanşir Feyziyev Londonda itirdiyini Gürcüstanda qazanır –
Gəncə Dövlət Universitetinin rektoru prezidentin əleyhinə gedir(?):
Ağalar Vəliyev üçün yolun sonu göründü: "Qobu Park" rəzilliyi onun deputat karyerasını bitirir -
RAMİN ABDULLAYEVİN “GÖYDƏLƏN” BİZNESİ -
Şahmar İbadovun dövlətə meydan oxuması -
"Yaponski" səfirin BDU-da dekan müavini olan bacısının "kitayski" əməlləri - Bir İsmayılzadə DOSYESİ.. köhnə MTN -nin iziylə... -
Niyazi Bayramov dövlətin milyonlarını belə xərcləyir -
Abşeron-Xızı Regional Təhsil İdarəsi qohumbazlıq girovunda -
Günün xəbəri

Gömrük Komitəsi belə ləğv olunur:səlahiyyətləri iki qurum arasında bölünür

 

Yenixeber.org: Dövlət Gömrük Komitəsinin ləğvi ilə bağlı son aylar ardıcıl xəbərlər tirajlanır. Məlumatlara görə, tezliklə Dövlət Gömrük  Komitəsinin və Vergilər Nazirliyinin inteqrasiyası yolu ilə vahid fiskal orqan yaradılacaq. Bu da dövlətə həmin xidmət vasitəsilə tamamilə sabit gəlir əldə etməyə imkanı verəcək. Bu manevrdə məqsəd təkrarlanmanı aradan qaldırmaq və idarəetmənin səmərəliliyini gücləndirən sinergetik effekt əldə etməkdir.

Ekspertlərin də təqdir etdiyi bu xəbərlərlə bağlı hətta bəzi media orqanları dövlət başçısının müvafiq sərəncamının an məsələsi olduğunu yazır. Yenixeber.org-a bu istiqamətdə yeni xəbərlər daxil olub. Yeni xəbərə görə Gömrük Komitəsinin Vergilər Nazirliyinə birləşdiriləcəyi deyil, səlahiyyətlərinin bu nazirliklə Dövlət Sərhəd Xidməti arasında bölüşdürüləcəyi gözlənilir. (Bu təcrübə ölkəmizdə var: Dövlət Torpaq  və Xəritəçəkmə Komitəsinin səlahiyyətləri Dövlət Əmlak Komitəsi ilə Ekologiya və Təbii Sərvətlər Nazirliyi arasında bölündü.) Prosesin prezident seçkilərinə qədər gerçəkləşəcəyi də ehtimal olunur.

Amma,... komitənin ləğvinin sakit ötüşməyəcəyi də yenixeber.org-a daxil olan məlumatlar sırasındadır. Məlumata görə komitənin sədri Aydın Əliyev başda olmaqla, bir sıra vəzifə sahiblərinin yolu istintaqdan keçməli olacaq. Son vaxtlar mediada ərzaq və qeyri-ərzaq məhsullarının monopoliyası və qiymətlərin yüksək olaraq qalması ilə bağlı silsilə yazıların da təsadüf olmadığı bildirilir...

Yeri gəlmişkən bu gün Bakı Baş Gömrük İdarəsi ilə bağlı yayılan xəbər də diqqətçəkicidir.

Azpolitika.info-nun yaydığı məlumata görə ötən həftənin ortalarında Bakı Baş Gömrük İdarəsində ciddi gərginlik yaşanıb:hüquq-mühafizə orqanları (?) İdarədə qəfil araşdırma aparıb, ilkin məlumata görə gömrük əməkdaşlarından 6 nəfəri sorğu-suala çəkilib, bəzi sənədlər götürülüb. Həbs olunanların olub-olmadığı haqda məlumat verilmir.

Ən maraqlısı isə odur ki, elə həmin gün idarənin əməkdaşlarından biri – 58 yaşlı Zaur Eyyubov ürəktutmasından iş yerində vəfat edib.

  Mənbəmiz bu hadisənin kifayət qədər səs-küylü prosesin başlanğıcı hesab edir: “Rabitəçilərin işi”, “MTN işi” kimi olmasa da...

 

Sakit


Facebook-da paylaş

Yeni xəbərlər

Reklam

Reklam