AZ
RU
.jpg)
Abşeron və Sumqayıtda internet bərpa edildi
Yenixeber.org: Abşeron rayonunun və Sumqayıt şəhərinin internetlə təchizatında yaranmış problem aradan qaldırılıb.
Hazırda hər iki bölgəyə normal internet verilir.
Xatırladaq ki, internetin kəsilməsinə səbəb Azərbaycanın milli telekommunikasiya operatoru olan “Delta Telecom” şirkətinə məxsus fiber-optik kabelin zədələnməsi olub. 18 saatlıq axtarışdan sonra kabelin zədələndiyi yer bu gün saat 10:00-da müəyyən edilib.
Məlum olub ki, zədələnmə kabelin altından keçdiyi avtomobil yolunda qazıntı işləri aparılarkən baş verib.
Bununla belə, havanın yağışlı, ərazinin palçıq olması təmir-bərpa işlərinin müddətini bir neçə saat uzadıb.
