AZ
RU
Ermənistanın keçmiş Prezidenti Serj Sarqsyan 2008-ci il martın 1-dəki hadisələrlə bağlı Xüsusi İstintaq Komitəsində 5 saat ifadə verib.
Yenixeber.org: Məlumatı “Armtimes” şəxsi mənbələrinə əsasən yayıb.
Onun bu işlə bağlı istintaqa yenidən çağırılacağı da vurğulanıb.
Xatırladaq ki, Xüsusi İstintaq Komitəsinin başçısı Sasun Xaçatryan eks-prezidentin ifadə vermək üçün quruma çağırılacağını bildirmişdi.
Qeyd edək ki, Serj Sarqsyan 2008-ci ilin fevral ayında keçirilən prezident seçkilərində namizəd olaraq iştirak edib. O vaxt Ermənistanın Mərkəzi Seçki Komissiyası onun 52,8 faiz səs topladığını elan etmişdi. Həmin siyasi kampaniyada Sarqsyanın Ermənistanın birinci Prezidenti Levon Ter-Petrosyana qalib gəldiyi bildirilmişdi. 2008-c il martın 1-də səsvermənin nəticələrinə etiraz edənlərə qarşı güc tətbiq olunmuşdu. Hadisələr zamanı 10-dan çox aksiyaçının öldürüldüyü barədə məlumat yayılmışdı.
