Ermənistanın baş nazirinin dəvətinə baxmayaraq, keçmiş prezidentlərdən heç biri ölkənin müstəqilliyi ilə bağlı bayram tədbirlərinə qatılmayacaqlar.

Yenixeber.org: Ermənistan KİV-ləri xəbər verir ki, onlar bunu müxtəlif səbəblərə izah ediblər.

Robert Koçaryanın ofisinin rəhbəri Viktor Soqomonyan bildirib ki, ikinci prezident siyasi təqibə məruz qalır: “Ona görə də hesab edirəm ki, bu dəvət hökumət tərəfindən yaltaqlıqdır”.

Ofisi Serj Sarsyanın tədbirlərə qatılmayacağına şərh verməyib. Onun başçılıq etdiyi Respublikaçılar Partiyası da məsələyə münasibət bildirməyib. Hesab edirlər ki, Sarqsyan baş verənlərin hamısını sükutla qarşılamaq taktikasını seçib.

Ermənistanın birinci prezidenti Levon Ter-Petrosyanın ofisi də iştirak etməməklə bağlı məsələyə şərh verməyib.

Qeyd edək ki, sentyabrın 17-də Ermənistan hökuməti aparatının başçısı Eduard Ağacanyan “Azatyun”a (“Azadlıq” radiosunun erməni dilində redaksiyası) müsahibəsində Levon Ter-Petrosyan, Robert Koçaryan və Serj Sarqsyanın müstəqillik günü ilə bağlı bayram tədbirinə dəvət ediləcəklərini demişdi. Sentyabrın 21-də Yerevanda və başqa şəhərlərdə bayram tədbirləri keçiriləcək.

Xatırladaq ki, Ermənistanda müstəqillik rəsmi olaraq 1991-ci il sentyabrın 23-də elan olunub. Sentyabrın 21-də isə müstəqilliklə bağlı referendum keçirilib.