Rusiyanın Xəzər donanması Dağıstana köçürüləcək
Rusiyanın Xəzər donanması Həştərxandan Dağıstanın Kaspiysk şəhərinə köçürüləcək, donanmadakı hərbçilərin sayı isə artırılacaq
Yenixeber.org: Bu barədə Rusiyanın müdafiə naziri Sergey Şoyqu Müdafiə Nazirliyinin rəhbərliyi ilə görüşündə bildirib.
"Xəzər donanmasının Kaspiyskə köçürülməsi barədə qərar qəbul edilib. Orada geniş tikinti işləri aparılır: pirslər, estakadalar, xidmət məntəqələri, yaşayış obyektləri tikilir. Zabit və hərbçilərin sayı dəfələrlə artırılacaq", - S.Şoyqu deyib.
Onun sözlərinə görə, donanmanın köçürülməsi Xəzər regionunda təhlükəsizliyin əsas tərkib hissəsidir.