Vergilər Nazirliyi rəhbərlərinin ölkədən çıxmasına məhdudiyyət qoyulan şirkətlərin yeni siyahısını açıqlayıb.

Xeberinfo.com:  Siyahıda diqqətçəkən bir neçə şirkət var ki, onların arxasında hakimiyyətin nüfuzlu məmurları dayanıb. Bunlardan biri “Azeri Drillinq Kompani” MMC-dir. MMC-nin vergi borcu 886 min 416 manat borcu var. 2006-cı ildə yaranan bu şirkətdə SOCAR-ın 35 faiz payı var. Yerdə qalan 65 faiz pay isə Panamada qeydiyyatdan keçən “Target Petroleum Azerbaycan Korporeyshn”a məxsusdur. SOCAR-ın prezidenti Rövnəq Abdullayevdir. Bu isə o deməkdir ki, vergilər naziri Fazil Məmmədov Rövnəq Abdullayevi çətin vəziyyətə salıb.

Digər şirkət isə “AAAF Park Xirdalan”dır. Bu şirkət tikinti ilə məşğuldur. Şirkətin AZAL prezidenti Cahangir Əsgərov un himayəsində olduğu bildirilir. Maraqlıdır ki, “AAF Park”ın vergi borcu o qədər də çox deyil: 1852 manat.

Fövqəladə hallar naziri Kəmaləddin Heydərova məxsus olduğu iddia edilən “Gilan Holding”ə daxil olan “Yeddi Gözəl” MMC də siyahıdadır. MMC-nin vergi borcu  68 min 931 manatdır.