AZ
RU
"Bizim uşaqlarımız İlham Əliyevin oğluna xidmət edəcəklər"
"Bizim bütün ailəmiz dövlət başçısına çox sədaqətlidir. Bu sədaqətin səbəb və kökləri ondan qaynaqlanır ki, biz Naxçıvanın Nehrəm kəndindənik. Ümummilli lider Heydər Əliyev 1990-cı illərin əvvəllərində bizim kəndimizdən deputat idi".
Xeberinfo.com: Virtualaz.org bildirir ki, bunları bu gün jurnalistlərə mifik Xəzər adalarının müəllifi Hacı İbrahim Nehrəmli deyib.
"O vaxtdan biz Heydər Əliyevi dəstəkləmişik. Bütün nehrəmlilər Heydər Əliyevin siyasətini dəstəkləyirlər. Biz indi də həmin yolu davam edir və cənab Prezidenti dəstəkləyirik. İnşallah, bizim uşaqlarımız kiçik Heydər Əliyevi dəstəkləyəcək və ona xidmət edəcəklər. Yəni biz, nehrəmlilər ikiüzlü deyilik. Biz prezident İlham Əliyev tərəfindən aparılan siyasətdən çox razıyıq, onun ətrafında sıx birləşmişik və həmişə onu dəstəkləyəcəyik", - deyə Hacı İbrahim vurğulayıb.
.jpg)
