AZ
RU
Kran suyundan kütləvi zəhərlənmə -Azı 13 nəfər öldü
Hindistanın Madhya Pradeş ştatının İndor şəhərində kütləvi zəhərlənmə nəticəsində azı 13 nəfər dünyasını dəyişib.
Yenixeber.org: Bu barədə yerli KİV məlumat yayıb.
Bildirilib ki, hadisə sakinlərin kran suyundan istifadə etməsindən sonra baş verib. Ölənlər arasında 6 aylıq körpə və 6 qadının olduğu qeyd olunub. İlkin məlumatlara görə, zəhərlənənlərin ümumi sayı 1300-ə çatıb. Hazırda şəhərin müxtəlif xəstəxanalarında 100-dən çox sakinin vəziyyəti ağır olaraq qiymətləndirilir və ölü sayının artacağı istisna edilmir.
Xatırladaq ki, Hindistanda içməli suyun çirklənməsi səbəbindən mütəmadi olaraq ağır yoluxucu xəstəliklər və zəhərlənmə halları qeydə alınır.
