AZ
RU
Yenixeber.org: Aidiyyəti qurumlar bu mövzu ilə bağlı əlaqədədirlər:
"Vətəndaşların axtarışına Zaqatala rayon polis şöbəsi, Fövqəladə Hallar Nazirliyi, Ekologiya və Təbii Sərvətlər Nazirliyi və ərazini tanıyan yerli sakinlər cəlb edilib. Qeyd edək ki, itkin düşmüş vətəndaşlar fərdi qaydada, heç bir bələdçi və regional quruma müraciət etmədən müvafiq istiqamətdə gəzintiyə yollanıblar.
Bu baxımdan vətəndaşlara təhlükəli hesab olunacaq ərazilərə hava şəraitinə diqqət yetirmək, bələdçi xidmətindən istifadə etmək, yerli sakinlərdən ərazinin təbii quruluşu və şəraiti haqqında məlumat əldə etmək, GPS, ilk tibbi yardım dəsti, yürüyüşə müvafiq geyim və bu kimi vasitələrdən istifadə etmək tövsiyə olunur".
Qeyd edək ki, Bakı sakini olan iki turist Zaqatala rayonunun Qəbizdərə kəndi ərazisində yerləşən Katex şəlaləsinə getməyə çalışarkən meşəlik ərazidə yollarını azıblar. Yerli turistlərin axtarışları davam edir.
Dövlət Turizm Agentliyindən itkin düşən turistlərlə bağlı açıqlama
Dövlət Turizm Agentliyi Zaqatalada itkin düşən turistlərlə bağlı açıqlama verib.
