AZ
RU
Məhəmməd Füzulini aşağılayan iranlı professordan sərsəm açıqlamalar
Tehranın “Əllamə Təbatəbayi” Universitetinin beynəlxalq əlaqələr üzrə professoru, siyasi ekspert Ehsan Movəhhediyan növbəti dəfə anti-Azərbaycan , Yenixeber.org: Ermənipərəst mövqeyi ilə seçilən bədnam siyasi şərhçi bu dəfə Tvitterdə dahi Azərbaycan şairi Məhəmməd Füzulini aşağılamağa çalışaraq fars şairi Firdovsini şişirdib.
Kərkiyə görə ermənilərdən çox narahat olan iranlı "professor"- Fars dilinə qarşı mübarizə aparmaq üçün Füzulini Firdovsiyə qarşı çıxarmaq rəzillikdir və heç bir nəticəsi olmayacaq. Pantürklər türk tarixini və ədəbiyyatını alt-üst etməklə, əldə etdikləri təkcə Füzuli olub. Onun da fars və ərəb dillərində çoxlu şeirləri var. Həm də, onun türkcə leksikonuna bir çox fars sözləri qarışıb. Hansı ki, onlar 100 il əvvələ qədər Bakıda (Azərbaycanı nəzərdə tutur-red.) və Türkiyədə yayılmışdı,- ekspert sərsəm fikirlər yazıb.
O həmçinin qeyd edib ki, "Farsca danışanlar Firdovsinin fars dilinin yaşadılmasında müstəsna rolu olduğuna görə onu vurğulayırlar. Amma Füzuli heç bir ədəbi sahədə seçilmir və hər hansı tarixi fəaliyyət göstərməyib. Onu qabartmaq yalnız pantürklərin fars dili ilə mübarizə aparmaq məqsədi güdür, çünki Səfəvi dövrünün şairləri belə fars dilində şeirlər yazıblar”.
Qeyd edək ki, iranlı professor ölkəsində tez-tez Azərbaycan əleyhinə açıqlamalar, ermənipərəst fikirləri ilə gündəmə gəlir.
