AZ
RU
Zelenski Xerson vilayətinə gedib
Ukrayna prezidenti Vladimir Zelenski bu gün Xerson vilayətinə gedib və dağılmış infrastruktur obyektlərinin bərpası işlərinin gedişi ilə tanış olub.
Yenixeber.org: Zelenski Posad-Pokrovskoe kəndində olub.
Dövlət başçısına məlumat verilib ki, sakinlər tədricən kəndə qayıdır, elektrik enerjisinin və su təchizatının bərpası davam edir, ambulatoriya yenidən qurulur.
Prezident kənd sakinləri ilə də söhbət edib, onların cari ehtiyacları ilə maraqlanıb. Xüsusilə, dağılmış evlərin bərpası və elektrik enerjisi təchizatının bərpasının vacibliyini qeyd ediblər.
"Qışa qədər yenidən qurmağa çalışacağıq. Bizim prioritetimiz elektrik enerjisidir. İçməli su qrafikə uyğun veriləcək. İndi plan üzrə işə başlayacaqlar. Düşünürəm ki, hər şey yaxşı olacaq", - dövlət başçısı bildirib.
Onu da qeyd edək ki, 4 gün əvvəl Rusiya Prezidenti Vladimir Putin də Ukraynanın işğal altında olan Donbas vilayətinə səfər edib.
.jpeg)
