AZ
RU
Yenixeber.org: Ejei “Bu, yer üzündə fitnə-fəsad törətmək cinayətlərindən biridir. Günahkarlar müəyyən edilib tutulduqda şübhəsiz ki, mühakimə olunacaqlar”.
İran rəsmisi cinayətkarların və onların işbirlikçilərinin edam olunacağını dilə gətirib. İran Cinayət Məcəlləsinin 286-cı maddəsinə əsasən, “yer üzündə fitnə-fəsad törətmək” cinayətini törədənlər ölüm cəzası ilə mühakimə olunur.
İran lideri Əli Xamneyi bu gün verdiyi açıqlamada zəhərlənmə hadisələri ilə bağlı hakimiyyət orqanlarına "ciddi tədbir görülməsini və günahkarların ən ağır cəza ilə cəzalandırılmasını" tapşırıb.
İranda 2022-ci il noyabrın 30-dan etibarən məktəblərdə kütləvi zəhərlənmə halları diqqət çəkir. Şagirdlərdə tənəffüs çətinliyi, ürəkbulanma, baş ağrısı və ətraflarda uyuşma kimi simptomlar müşahidə olunur.
Rejim əleyhdarlarının iddialarına görə, İran administrasiyası daxilində Məhsa Əmini nümayişlərinin qisasını almaq istəyən bəzi radikal qruplar var.
Tehran administrasiyasına yaxın mənbələr isə hadisənin arxasında xalqı administrasiyaya qarşı qızışdırmaq məqsədi daşıyan rejim əleyhdarı ünsürlərin dayandığını iddia edir.
