AZ
RU
Türkiyə səfirindən həlak olan tələbələrlə bağlı paylaşım
Türkiyənin Azərbaycandakı səfiri Cahit Bağcı Malatya şəhərində baş vermiş zəlzələdə həlak olan azərbaycanlı tələbələrlə bağlı başsağlığı verib.
Yenixeber.org: Səfir bununla bağlı öz tvitter hesabında paylaşım edib:
“Ölkəmizdəki zəlzələdə həlak olan azərbaycanlı tələbələrə Allahdan rəhmət, ailələrinə və sevənlərinə səbir diləyirik”.
Xatırladaq ki, Malatya şəhərindəki İnönü Universitetinin tələbələri - Samir Quliyev, Şahin Vəliyev, Hümam İsmayıllı və Gündüz Nəzərzadənin meyitləri uzunmüddətli axtarışdan sonra dünən tapılıb.
Qeyd edək ki, fevralın 6-da episentri Türkiyənin Kahramanmaraş şəhərinin Pazarcık və Elbistan rayonları olan 7,7 və 7,6 maqnitudalı iki zəlzələ olub. Təbii fəlakət Türkiyə və Suriyada böyük dağıntılara və on minlərlə itkiyə səbəb olub.
