Vladimir Putin ehtimal ki, Rusiya silahlı qüvvələrinin imkanlarını yüksək qiymətləndirərək, mart ayına qədər Donbası tamamilə ələ keçirməyi qarşısına məqsəd qoyub.

“Yenixeber.org”  ru.slovoidilo.ua-ya istinadən məlumat verir ki,

Rusiyanın kifayət qədər döyüş gücünü bərpa etdiyinə dair heç bir sübut yoxdur.

Müharibə Tədqiqat İnstitutunun (ISW) analitikləri belə deyirlər.

“Putin, yəqin ki, yenə də Rusiya silahlı qüvvələrinin imkanlarını yüksək qiymətləndirib. ISW mart ayına qədər rusların Ukraynanın şərqində Ukrayna hərbçilərini məğlub etmək və işğal olunmamış Donetsk vilayətinin 11300 kvadrat kilometrdən çox ərazisini (ümumi ərazinin 42%-dən çoxunu) ələ keçirmək üçün kifayət qədər döyüş gücünü bərpa etdiyinə dair heç bir sübut tapmayıb”, - hesabatda belə deyilir.

Analitiklər həmçinin hesab edirlər ki, Rusiyanın aprel ayına qədər olan böyük irəliləyişinin, əhəmiyyətli əməliyyat effekti əldə edilməzdən əvvəl aprelin yaz yağışlı mövsümündə vaxtından əvvəl başa çatması ehtimalı var.

ISW əlavə edib ki, Rusiya qüvvələrinin tükənməsi Silahlı Qüvvələrin yazın sonunda və ya yayında əks hücuma keçməsi üçün əlverişli şərait yarada bilər.

Xatırladaq ki, müdafiə naziri Aleksey Reznikov etiraf edib ki, Rusiya fevralın 24-dək yeni hücuma keçə bilər. Onun sözlərinə görə, bu, Donbassda və cənubda ola bilər.

Bundan əvvəl Milli Təhlükəsizlik və Müdafiə Şurasının katibi Aleksey Danilov Rusiya hücumunun mümkün istiqamətlərini açıqlamışdı.

Tərcümə etdi: Səadət Sultan