AZ
RU
Əli İnsanov olduğu kimi:""Dövlətçi" adam nələri geri ala bildi, yaxud almağa çalışır"
Yenixeber.org: Araşdırmaçı jurnalist Cavanşir Həsənli sabiq Səhiyyə naziri, HƏP sədri Əli İnsanovla bağlı geniş oxucu kütləsinin marağına səbəb olacaq yazı paylaşıb:
"Əli İnsanovun nazir vəzifəsində olduğu dövr Azərbaycan səhiyyəsində rüşvət və korrupsiyanın çiçəkləndiyi dövr idi, bu gün də o "çiçəklərin" toxumlarının xərçəng kimi "bəhrəsini" görürük. Nazir vəzifəsində olduğu illərdə oğlunun adına məlum olan (!) 4 şirkət açmışdı. İkisi Azərbaycanda, ikisi Türkiyədə. Əlbəttə Əli İnsanovun "İnsanovin"i ona yaxşı pul gətirirdi, amma adıçəkilən şirkətlər Əli İnsanovun həbsdə olduğu illərdə də fəaliyyətini davam etdirib və heç bir məhkəmə sanksiyana məruz qalmamışdı. Məsələn, "V.İ.R.O" MƏHDUD MƏSULİYYƏTLİ CƏMİYYƏTİ 2002-ci ildə nazir vəzifəsini icra edən Əli İnsanovun oğlu Vidadi İnsanovun adına təsis edilib, 2020-ci ildə reyestrdən yenidən çıxarış alıb. "V.İ.R.O" Vidadi İnsanovun və onun Türkiyədən olan ortağı Riza Omurtayın adlarının abbreviaturasıdır. Həmin il Əli İnsanovun oğlu Almaniyanın Köln şəhərində də 25 min avro nizamnamə kapitalı ilə "WIRO Im- und Export GmbH"-ni təsis edib. Şirkət Almaniyadan Azərbaycana xüsusi geyimlərin, motorlu nəqliyyat vasitələrinin ixracı ilə məşğul olub.
"VİTA FARM" MƏHDUD MƏSULİYYƏTLİ CƏMİYYƏTİ də 2002-ci ildə 15390.00 AZN nizamnamə kapitalı ilə qeydiyyatdan keçib, 2015-ci ildə - Əli İnsanov həbsdə olduğu dövrdə Vergilər Nazirliyində yenidən çıxarış alıb.
Vidadi İnsanov 2003-cü ildə atası nazir olduğu dövrdə Türkiyə paytaxtında TEMPO İLAÇ VE TIBBİ MALZEMELER TİCARET LİMİTED ŞİRKETİnin hər birinin nominal dəyəri 18 min lirə olan 720 səhmini 18 milyon lirəyə (o zamankı kursla 170.000 dollar) satın alır. Daha 540 səhmi isə Əli İnsanovun sadiq müavini ELSEVƏR AĞAYEV 13 milyon 500 min lirə (126 min dollar) alıb. Elsevər Ağayev bu ilin fevralında Səhiyyə nazirinin müavini vəzifəsindən azad edilib, hazırda Nəsimi rayon təşkilatının sədr müavinidir, Dövlət Həkimləri Təkmilləşdirmə İnstitutunun Əczaçılıq kafedrasının müdiridir.
Əli İnsanov həbs olunduqdan 10 il sonra - 2015-ci ildə Bakı Ağır Cinayətlər Məhkəməsində ona məxsus vəsaitlərlə bağlı məhkəmə işi olub. O zaman məlum olub ki, Əli İnsanovun adına "Banque de Luxembourg" bankında 1,5 milyon dollar vəsait aşkarlanıb və bu vəsait həmin banka 2000-2002-ci illərdə qoyulub. Azərbaycan hakimiyyətinin rəsmi müraciəti əsasında həmin vəsait o zaman dondurulmuşdu.
Əli İnsanovun "İnsanovin"lə milyonlar əldə etməsi ilə bağlı mətbuatın araşdırmaları əsasında belə nəticə ortaya qoyulub ki, keçmiş nazirin dərmanına xaricdə heç vaxt tələbat olmayıb, sadəcə onun vəzifədə olduğu dövrdə məcburi qaydada həkimlər tərəfindən xəstələrə yazılırmış. O zaman hakim Yeni Azərbaycan Partiyasının icra katibinin müavini, millət vəkili Siyavuş Novruzov da İnsanovun ixtirası ilə milyonlar qazana biləcəyinə şübhə ilə yanaşmışdı: “Niyə heç bir Avropa ölkəsində onun “İnsanovin” dərmanı istifadə olunmur? Dərman istehsal edən Sloveniya, Macarıstan və başqa ölkələrin adı çəkilmir? Fırıldaq yolu ilə pullar qazanıb. Bu gün Azərbaycan xalqını zəhərləyən Hindistan kimi ölkələrin saxta dərmanlarını gətirib apteklərə doldurub".
2005-ci ildə Əli İnsanov həbs olunan zaman onun 11 adda daşınmaz əmlakı (3 milyon 650 min manat), mülklərindən 523 adda qızıl-zinət əşyaları (1 milyon 645 min 48 manat), nağd pul vəsaitləri (1 milyon 309 min 295 ABŞ dolları, 884 min 475 avro və 8 min 984 manat) aşkar edilmişdi. O dövrdə mülki iddianın təmin edilməsi üçün cəmi 23 milyon 372 min 37 manat 71 qəpik dəyərində daşınmaz əmlaklar üzərinə məhkəmə qərarları əsasında həbs qoyulmuşdu.
O zaman Baş Prokurorluğun Ağır cinayətlərə dair işlər üzrə istintaq idarəsində ibtidai istintaqı aparılmış cinayət işi üzrə İnsanov Əli Binnət oğlu tərəfindən mənimsəmə və israf etmə yolu ilə talan edilmiş dövlət əmlaklarının siyahısı açıqlanmışdı:
1.Bakı şəhəri, Səbail rayonu, Şeyx Şamil küçəsi, 6 (Lermontov küçəsi, 121) ünvanındakı yaşayış binasının birinci mərtəbəsində yerləşən Səhiyyə Nazirliyinin Bakı şəhər 15 saylı uşaq poliklinikasının birinci şöbəsinin 354,7 kvadrat metr qeyri-yaşayış sahəsi,
2. Bakı şəhəri, Səbail rayonu, Şeyx Şamil küçəsi, 6 (Lermontov küçəsi, 121) ünvanındakı yaşayış binasının birinci mərtəbəsində yerləşən Səhiyyə Nazirliyinin Bakı şəhər 15 saylı uşaq poliklinikasının birinci şöbəsinin 38,6 kv.m. qeyri-yaşayış sahəsi;
3.Bakı şəhəri, Səbail rayonu, Ə.Əlizadə küçəsi, 6/8 (T.Əliyarbəyov küçəsi, 3) ünvandakı yaşayış binasının ikinci mərtəbəsində yerləşən Səhiyyə Nazirliyinin Tibbi təchizat idarəsi, Bakı şəhər Apteklər idarəsi, Əczaçılıq və tibb sənayesi, Tibbi texnika istehsalat-ticarət birliklərinin 319,1 kvadrat metr qeyri-yaşayış sahəsi,
4. Bakı şəhəri, Səbail rayonu, Ə.Əlizadə küçəsi, 6/8 (T.Əliyarbəyov küçəsi, 3) ünvandakı yaşayış binasının ikinci mərtəbəsində yerləşən Səhiyyə Nazirliyinin Təxirəsalınmaz və Təcili Tibbi Yardım Stansiyasının 202,9 kvadrat metr qeyri-yaşayış sahəsi,
5. Bakı şəhəri, Səbail rayonu, Ü.Hacıbəyov küçəsi, 52 ünvanındakı Bakı şəhəri, Endokrinoloji dispanserinin 76,8 kvadrat metr qeyri-yaşayış sahəsi,
6. Bakı şəhəri, Səbail rayonu, Ü.Hacıbəyov küçəsi, 23 ünvanındakı Respublika Endokrinoloji Dispanserin 378 kvadrat metr qeyri-yaşayış sahəsi,
7. Bakı şəhəri, Nizami rayonu, Şərifli küçəsi, 25/14-cü məhəllədəki Elmi-Tədqiqat Ağ ciyər xəstəlikləri institutunun 123,5 kvadrat metr qeyri-yaşayış sahəsi,
8. Bakı şəhəri, Yasamal rayonu, H.Hacıyev küçəsi, 12 ünvanındakı Səhiyyə Nazirliyinin tam təsərrüfat hesablı stomatoloji poliklinikasının yerləşdiyi 610,8 kvadrat metr qeyri-yaşayış sahəsi,
9. Bakı şəhəri, Nəsimi rayonu, Rəşid Behbudov küçəsi, 30 ünvanındakı 3 saylı uşaq poliklinikasının bir hissəsinin yerləşdiyi 53,8 kvadrat metr qeyri-yaşayış sahəsi,
10. Bakı şəhəri, Nəsimi rayonu, Mir Qasımov küçəsi, 1 ünvanında yerləşən Bakı şəhər 1 saylı kliniki şəhər xəstəxanasının 522,8 kvadrat metr qeyri-yaşayış və 4.203,9 kvadrat metr torpaq sahələri,
11. Bakı şəhəri, Nəsimi rayonu, R.Behbudov küçəsi, 14 (Nizami 99) ünvanında yerləşən 1 saylı uşaq stomatoloji poliklinikasının 221,8 kvadrat metr qeyri-yaşayış sahəsi,
12. Bakı şəhəri, Səbail rayonu, S.Vurğun küçəsi, 8-dəki Respublika Gigiyena və Epidemiologiya mərkəzinin immunologiya və bakteriologiya laboratoriyasının yerləşdiyi 156,8 kvadrat metr qeyri-yaşayış sahəsi,
13. Bakı şəhəri, Nərimanov rayonu, Musabəyov küçəsi, 1 ünvanındakı 519,4 kvadrat metr qeyri-yaşayış və 2.099,4 kvadrat metr torpaq sahələri,
14. Bakı şəhəri, Nəsimi rayonu, Ə.Topçubaşov küçəsi, 77 ünvanda yerləşən H.Qasımov adına 1 saylı doğum evinin 1.583,3 kvadrat metr qeyri-yaşayış və 6.680,6 kvadrat metr torpaq sahələri,
15. Bakı şəhəri, Nəsimi rayonu, Azərbaycan prospekti, 42 ünvanda yerləşən 3 saylı uşaq klinik xəstəxanasının ikinci korpusunun 1.241,0 kvadrat metr qeyri-yaşayış və 1.969,7 kvadrat metr torpaq sahələri,
16. Bakı şəhəri, Səbail rayonu N.Rəfibəyli küçəsi 25-də yerləşən 1 №-li aptekinin 281,7 kvadrat metr qeyri-yaşayış sahəsi,
17. Bakı şəhəri, Nəsimi rayonu, Mirəli Qaşqay küçəsi, 76 ünvanında yerləşən V.Axundov adına Milli Elmi Tədqiqat və Tibbi Profilaktika İnstitutunun Tibbi Parazitologiya Klinikasının 702,2 kvadrat metr qeyri-yaşayış, 1.008,7 kvadrat metr torpaq sahələri,
18. Bakı şəhəri, Nəsimi rayonu, Rəşid Behbudov küçəsi, 80 ünvanındakı İnformatika və Statistika İdarəsinin Məlumat Mərkəzinin yerləşdiyi 821,7 kvadrat metr qeyri-yaşayış sahəsi,
19. Bakı şəhəri, Binəqədi rayonu, Mir Cəlal küçəsində yerləşən 9 saylı şəhər poliklinikasının yardımçı binasının 91,4 kvadrat metr qeyri-yaşayış sahəsi,
20. Bakı şəhəri, Binəqədi rayonu Mir Cəlal küçəsində yerləşən 21 saylı uşaq poliklinikasının yardımçı binasının 176,5 kvadrat metr qeyri-yaşayış və 680 kvadrat metr torpaq sahələri,
21. Bakı şəhəri, Nəsimi rayonu Azadlıq prospekti, 114 ünvanındakı Respublika Xalq Təbabəti Mərkəzinin yerləşdiyi 894,4 kvadrat metr qeyri-yaşayış sahəsi,
22. Bakı şəhəri, Nəsimi rayonu, Bakıxanov küçəsi, 42 ünvanında yerləşən 5 saylı şəhər poliklinikasının 148,4 kvadrat metr qeyri-yaşayış sahəsi,
23. M.Əliyev adına təsərrüfat hesablı poliklinikanın Nəsimi rayonu Bül-bül prospekti 43 ünvanında yerləşən 69,2 kvadrat metr qeyri-yaşayış sahəsi,
24. Bakı şəhəri, Nizami rayonu, Qara Qarayev prospekti, 84 ünvanında yerləşən Bakı şəhər 17 saylı uşaq poliklinikasının 37,4 kvadrat metr qeyri-yaşayış sahəsi,
25. Bakı şəhəri, Binəqədi rayonu, İ.Dağıstanlı küçəsi, 3 saylı ünvanda yerləşən 20 №-li uşaq poliklinikasının 85,1 kvadrat metr qeyri-yaşayış sahəsi,
26. Bakı şəhəri, Yasamal rayonu, H.Cavid prospekti, 56/57 «B» saylı ünvandakı Respublika Tüklərin Müalicə Mərkəzinin yerləşdiyi 117,2 kvadrat metr qeyri-yaşayış sahəsi,
27. Bakı şəhəri, Yasamal rayonu, Tbilisi prospekti, 3165-ci məhəllədə yerləşən Ə.Əliyev adına Dövlət həkimləri təkmilləşdirmə institutunun 98,5 kvadrat metr qeyri-yaşayış və 483,3 kvadrat metr torpaq sahəsi,
28. Sumqayıt şəhəri 40-cı məhəllədə yerləşən 2 №-li doğum evinin 691,3 kvadrat metr qeyri-yaşayış sahəsi,
29. Bakı şəhəri, Xətai rayonu, M.Salmanlı küçəsi 19 №-li ünvanda yerləşən M.Əfəndiyev adına 2 nömrəli xəstəxanasının 245,8 kvadrat metr qeyri-yaşayış sahəsi,
30. Bakı şəhəri, Nərimanov rayonu, Fətəlixan Xoyski küçəsi, 79 saylı ünvanda yerləşən Bakı şəhər səhiyyə şöbəsinin inzibati binasının 83,3 kvadrat metr qeyri-yaşayış sahəsi,
31. Bakı şəhəri, Nəsimi rayonu A.Məhərrəmov küçəsi, 37 ünvanında yerləşən 12 saylı uşaq poliklinikasının 196,5 kvadrat metr qeyri-yaşayış və 244,8 kvadrat metr torpaq sahəsi,
32. Bakı şəhəri, Yasamal rayonu,Şərifzadə küçəsi, 196 saylı ünvanda yerləşən M.Topçubaşov adına Elmi Tədqiqat Kliniki Təbabət İnstitutunun 25,8 kvadrat metr qeyri-yaşayış və 3608 kvadrat metr torpaq sahəsi,
33. Bakı şəhəri, Binəqədi rayonu, Binəqədi yolu, 5-də yerləşən Əczaçılıq və tibb sənayesi birliyinin təchizat bazasının 2.034,1 kvadrat metr qeyri-yaşayış və 13.382.2 kvadrat metr torpaq sahələri.
Məlum deyil, bu gün "dövlətçi" mövqeyindən çıxış edən Əli İnsanov nələri geri ala bildi, yaxud almağa çalışır, amma istər onun dövründə, istərsə də ondan sonrakı illərdə yarıtmaz və korrupsiyalaşmış səhiyyənin məhv etdiyi insanların həyatlarını geri qaytarmaq heç vaxt mümkün olmayacaq.
.jpg)
.jpg)
