AZ
RU
Nazir:“Macarıstan Yaşıl Enerji dəhlizində Azərbaycanın tərəfdaşı olmaqda qərarlıdır”
Macarıstan Qara dəniz sualtı elektrik xətti layihəsində iştirak etməklə Yaşıl Enerji dəhlizində Azərbaycanın tərəfdaşı olmaqda qərarlıdır.
Yenixeber.org: Bu barədə energetika naziri Pərviz Şahbazov özünün "Twitter" hesabında yazıb.
Onun sözlərinə görə, bu məsələ bu gün Qazaxıstanın Almatı şəhərində keçiriləcək Türk Dövlətləri Təşkilatı (TDT) enerji nazirlərinin 2-ci iclası çərçivəsində P.Şahbazovun Macarıstanın xarici işlər və ticarət naziri Peter Siyarto ilə görüşündə müzakirə olunub.
Nazir P. Siyarto ilə səmərəli görüşünün olduğunu da vurğulayıb.
Xatırladaq ki, iclas çərçivəsində neft-qaz, neft-kimya, bərpa olunan və ağıllı enerji, enerji səmərəliliyi sahələrində əməkdaşlıq, yaşıl enerji keçidi, dayanıqlı enerjinin inkişafı üzrə müzakirələr aparılacaq. İclasda P. Şahbazovun çıxışı, iclasdan sonra isə ikitərəfli görüşləri nəzərdə tutulub.
