AZ
RU
Enerji Məsələlərini Tənzimləmə Agentliyinin Nizamnaməsi dəyişib
Prezident İlham Əliyev 22 dekabr 2017-ci il tarixli fərmanı ilə təsdiq edilmiş “Enerji Məsələlərini Tənzimləmə Agentliyinin Nizamnaməsi”ndə dəyişiklik edib.
Yenixeber.org: Dövlət başçısı bununla bağlı yeni fərman imzalayıb.
Fərmana əsasən, bundan sonra Agentlik müayinə və texniki xidmət məlumatları üzrə reyestrə daxil edilmiş məlumatlar əsasında Nazirlər Kabinetinin müəyyən etdiyi qaydada monitorinq keçirəcək, müayinə və texniki xidmətlə bağlı qanunla müəyyən edilmiş tələblərə riayət edilmədiyini aşkar etdikdə, icrası məcburi olan göstərişlər verəcək.
İndiyə qədər qurum yalnız qanunvericiliklə müəyyən olunmuş qaydada qazdan səmərəli istifadəni, məişət qaz qurğularının təhlükəsiz və etibarlı istismarını təmin etmək məqsədi ilə həmin qurğulara, tüstü bacalarına və qazpaylayıcı şəbəkələrə texniki baxış keçirilməsində iştirak edə bilirdi.
.jpg)
.jpg)
