AZ
RU
Baş məşqçinin “qara siyahı”sına düşdü: PSJ-ə keçə bilər
"Mançester Yunayted"in hücumçusu Alexandro Qarnaço karyerasını Fransa çempionatında davam etdirə bilər.
Yenixeber.org xəbər verir ki, 20 yaşlı argentinalı ilə PSJ maraqlanır.
Mənbənin sözlərinə görə, Qarnaço Ruben Amorim baş məşqçi postuna gəldikdən sonra “qırmızı şeytanlar”ın heyətində yerini itirdiyi üçün klubu dəyişməyə hazırdır. Bundan əvvəl mətbuatda hətta portuqaliyalı mütəxəssislə Alexandro arasında münaqişə olduğu haqda xəbərlər yayılmışdı.
Qarnaço bu mövsüm bütün turnirlərdə 25 oyun keçirib, 8 qol vurub və 4 məhsuldar ötürmə edib. Futbolçunun klubla hazırkı əmək müqaviləsi 2028-ci ilin yayına kimi nəzərdə tutulub.
Transfermarkt portalında verilən məlumata görə, futbolçunun bazar dəyəri 50 milyon avrodur.
.jpg)
