AZ
RU
İranın qızıl-valyuta ehtiyatları -57% artıb
Ötən il İran qızıl-valyuta ehtiyatlarını 57% artırmağa nail olub və nəticədə ölkənin qızıl-valyuta ehtiyatları 36,5 milyard ABŞ dollarından 57 milyarda çatıb.
Yenixeber.org: “İnterfaks” xəbər verir ki, bu barədə İran Mərkəzi Bankının sədri Əli Salehabadi məlumat verib.
Onun sözlərinə görə, valyuta ehtiyatlarının artımı əsasən ixracdan daxil olan gəlirlər hesabına əldə olunub. Belə ki, Valyutaların idarə edilməsi üzrə daxili inteqrasiya sisteminə (NIMA) ixracdan daxil olan gəlirlər 66% artaraq 29,3 milyard dollara çatıb.
Ə.Salehabadi deyib ki, İranın valyuta bazarında dollarla ticarət həcmi 176% artaraq 1,694 milyard, avro ilə ticarət həcmi isə 186% artaraq 299 milyon dollar təşkil edib.
Mərkəzi Bankın sədri ölkənin valyuta bazarında vəziyyəti qənaətbəxş və balanslaşdırılmış kimi xarakterizə edib.
