AZ
RU
.jpg)
“Hamilə Qadınların Elektron Reyestri”i yaradılır (VİDEO)
Hamilə qadınlar üçün elektron məlumat bazası yaradılır.
"Xeberinfo.com": Məlumat bazasının əsas məqsədlərindən biri ana və uşaq ölümlərini azaltmaqdır. Hamilə qadınlar məsləhətxanada qeydiyyatdan keçdiyi gündən məlumatları elektron bazaya yerləşdiriləcək. Bazanın şifrəsi isə yalnız qadının özündə olacaq. Bununla da 9 ay ərzində hansı analizlər verib, nə müalicələr alıb, həkimə hansı tarixlərdə getməlidir kimi informasiyalar bir yerdə saxlanılacaq. Elektron məlumat bazasının bir üstünlüyü də odur ki, həkim hamilə qadına daimi nəzarət edə biləcək. Bununla da sağlamlığından hansi dəyişiklər olduğunu öyrənərək, operativ müdaxilə etmək mümkün olacaq
Yeni elektron məlumat bazası hamilələrə xidmət göstərən bütün tibb müəssisələrində təşkil olunacaq. Bunun üçün həm rayonlarda, həm də Bakıdakı tibb müəssisələri kompyuterlə təmin olunub, işçilərə təlimlər keçirilib. Pilot layihə kimi yeni elektron məlumat bazası 2 tibb müəssisəində sınaqdan da keçirilib. Yaxın vaxtlarda elektron registrın istifadəyə verilməsi gözlənilir.
