Redaktor seçimi
Müəllim-sahibkardan prezidentə müraciət:
"Bilgəh" Kardioloji Sanatoriyası kütləvi etiraz yaradır -
QHT-lərə Dövlət Dəstəyi Agentliyi dövlət büdcəsini belə talan edir! -
Əziz Quliyev İmişlidə azyaşlıları maşınla vurmasını ört-basdır etməyə çalışır -
Yaşam Klinikasında Məhəmməd Mehdi Aslaninin yaşatmaq vədləri:
Böyük Britaniyada hüquqşünas Eldar Mahmudova görə cərimələnib -
Saleh Məmmədovun asfalt zavodu Ermənistanın Metsamor AES-i kimi:Tüstüdə gizlənən milyonlar və kəsilən nəfəslər –
AzTU-nun kafedra müdiri müəllimləri “quş” adlandırır?! -
Günün xəbəri

Türkiyə -Azərbaycana və Orta Asiyaya yeni nəqliyyat marşrutu açır

Türkiyə Azərbaycana və Orta Asiyaya yeni nəqliyyat marşrutu açır

Türkiyə Azərbaycanla və Orta Asiyanın türk cümhuriyyətləri ilə əlaqəni təmin edən yeni nəqliyyat marşrutu açır.

Yenixeber.org: Bu barədə Türkiyə mətbuatı xəbər verir.

Məlumatda deyilir ki, beynəlxalq “P&O Maritime Logistics” şirkətinin yeni gəmiçilik marşrutu Xəzər dənizi vasitəsilə Orta Asiyanı birbaşa Türkiyəyə birləşdirəcək.

Yeni marşrutla daha ucuz qiymətə müntəzəm konteyner daşınması həyata keçiriləcək. Bu, Türkiyə, Rusiya və Orta Asiya bazarları arasındakı ticarət həcmini artıracaq. Birdən çox nəqliyyat gəmisindən istifadə edəcək yeni xətt əsasən sənaye maşınlarını, inşaat materiallarını, tekstil məhsullarını, kosmetika və mərmər kimi məhsulları daşıyacaq. Yeni dəniz marşrutunun açılması bu bazarlarda fəaliyyət göstərən şirkətlər üçün mühüm üstünlüyü təmin edəcək.

Qeyd edilib ki, Türkiyə, Rusiya və Orta Asiya arasında ticarətdə səmərəliliyinin artırılması üçün böyük potensial var.

Xatırladaq ki, hazırda Avropadan Asiyaya Bakı-Tbilisi-Qars (BTQ) dəmir yolu xətti fəaliyyət göstərir. BTQ vasitəsilə yüklər Avropadan Asiyaya və əks istiqamətdə göndərilir. Həmçinin, Çin, Orta Asiya, Xəzər Dənizi və Qara Dəniz hövzələri və Avropa ölkələri arasında yük daşımaları dövriyyəsini təmin etmək üçün Transxəzər Beynəlxalq Nəqliyyat Marşrutu yaradılıb. Hazırda bu marşutun potensialından Türkiyə, Azərbaycan, Orta Asiya ölkələri və digərləri istifadə edir.


Facebook-da paylaş

Yeni xəbərlər

Reklam

Reklam