AZ
RU
Sabunçu Rayon İdarəsinin 42-ci Polis Bölməsi əməkdaşları tərəfindən qanunsuz saxlanılan odlu silah-sursatın aşkar edilməsi istiqamətində əməliyyat tədbiri həyata keçirilib.
Daxili İşlər Nazirliyinin mətbuat xidmətindən yenixeber.org-a verilən məlumata görə, bölməyə əvvəllər dəfələrlə məhkum olunmuş Cavanşir Yusifovun qanunsuz olaraq odlu silah-sursat gizlətməsi barədə əməliyyat məlumatı daxil olub. Keçirilən təxirəsalınmaz tədbir nəticəsində həmin şəxs tutulub.
Onun Nardaran qəsəbəsində yaşadığı evə baxış zamanı bir ədəd “TT” markalı tapança, bir ədəd sandıqça və dörd ədəd patron aşkar olunaraq götürülüb.
Faktla bağlı Cinayət Məcəlləsinin müvafiq maddələri ilə cinayət işi başlanılıb, istintaq tədbirləri davam etdirilir.
-1520235904.jpg)
(29).jpg)
