Yenixeber.org: Çağırış aksiyasının keçirilməsində əsas məqsəd Xocalıda erməni hərbi xuntası tərəfindən soyqırım və mülki vətəndaşlarımıza qarşı törədilmiş vəhşi cinayəti dünya ictimaiyyətinə bir daha çatdırmaq, belə ki, qətliamda iştirak etmiş erməni separatçıları çoxsaylı sübutlara baxmayaraq hələ də törətdikləri cinayətlərə görə heç bir məsuliyyətə cəlb olunmayıblar. Bunun nəticəsidir ki, bu gün də düşmən tərəfindən cəbhə xəttinə aid olmayan Azərbaycanın Xızı, Yevlax, Mingəçevir, Gəncə, Bərdə, Ağcabədi və digər şəhər və rayonları qadağan olunmuş silahlardan istifadə edərək ağır artileriya atəşinə məruz qalmaqdadır. Bu cinayətlər nəticəsində mülki obyektlər və yaşayış evlərinə külli miqdarda ziyan dəymiş,  dinc sakinlər arasında çox sayda ölüm və yaralanma faktları qeydə alınıb.

Paytaxt gəncləri və idmançıları beynəlxalq hüquq normalarını pozaraq  hərbi cinayətlər törətmiş erməni xuntasını və onun havadarlarının beynəlxalq hərbi tribunala çıxarılmasını tələb edir.  Aidiyyatı qurumlarımıza bununla bağlı müraciət edir ki, məsələ araşdırılaraq hüquqi qiymət verilsin, cinayət törətmiş bütün şəxslər beynəlxalq qanun qarşısında cavab versin.