Bugün ölkədə təhslin səviyyəsinin aşağı düşməsi yerlərdəki kadrların savadsızlığı ilə bağlıdır.

Korrupsiya və rüşvətorluğu da bura əlavə etsək faciəli mənzərə yaranır.

                                     Rüşvətin kökünü necə kəsməli

Yenixeber.org: Rüşvətə səbəb ilk növbədə əməkhaqqının aşağı olmasıdır. Bu gün diaqnostik qiymətləndirmədən (DQ) keçmiş, hələ əməkhaqqı qalxmamış yüzlərlə müəllim var. Elə məktəblər də var ki, məktəb direktorları 210 manat vəzifə maaşı alırlar. Eləcə də DQ-dən keçmiş, əməkhaqqı qalxmış müəllimlər ölkə prezidentinin 994 nömrəli sərəncamı ilə 18-ci dərəcəli əməkhaqqı alırlar ki, bu da təqribən 425 manat edir. Məsələ burasındadır ki, hazırda məktəb direktoru və direktor müavinlərinin əməkhaqqı həddindən artıq aşağıdır.
Düşünürəm ki, rüşvət almamaq üçün ilk növbədə məktəb direktoru və direktor müavinlərinin əməkhaqqı 2 dəfə qaldırılmalı, onların əməkhaqqının tənzimlənməsi üçün uşaq və sinif sayı nəzərə alınmaqla cədvəl hazırlanmalıdır. Direktorların əməkhaqqı 1000 manatdan aşağı, direktor müavinlərininki isə 700-800-dən aşağı olmamalıdır. Eyni zamanda, əməkhaqqının artırılması ilə yanaşı, peşəkarlığın artırılması üzərində işləmək, o cümlədən, direktor və direktor müavini imtahanlarının şəffaf keçirilməsinə çalışmaq əsas şərtlərdən biridir. Rüşvəti yaradan səbəblərdən biri də yaranmış sistemsizlikdir. Ümumtəhsil məktəblərində konkret olaraq hansısa bir məsələ ilə bağlı nazirlik tərəfindən işlənmiş sistem yoxdur. Tərəflər var- təhsilalan, təhsilverən, təhsilalanların valideynləri və s. Ancaq konkret olaraq bu proses sistem halında deyil. Ona görə də neqativ halların olması üçün şərait yaranır. Həmin şəraitdən də rüşvətə meyilli olan müəssisə rəhbərləri istifadə edirlər.

                                       İcra başçının kadrı

Bəzi direktorlara vəziyyətin belə olması sərf edir. Baxın, kiçicik maaşla villa sahibi olan direktorlar var.

Məsələn, Mozalan.az-a Tahir Hacıyev adına 252 n-li orta məktəb-lisey və onun direktoru Xədicə Eminova kimi. Son vaxtlarda mətbuatda həmin məktəb-lisey və onun direktoru Xədicə Eminova haqqında , onun savadsızlığından və Sabunçu rayon İcra Hakimiyyəti başçısı Adil Vəliyevin himayədarlığından istifadə edərək , məktəbi özünün şəxsi biznesinə çevirməsindən çox yazılır.
Ali məktəblərə hazırlaşan şagirdləri dərs saatlarından ayırması , həmin şagirdlərdən və onları hazırlaşdıran repetitorlardan aylıq haqq alması , şagirdləri dərsdən yayınmasına səbəbkar olması isə heç kəsə sirr deyil.
Xədicə xanım 252 saylı məktəbdən öncə 170 saylı məktəbdə direktor işləyib, həmin məktəbi də bərbad hala salaraq, icra başçısı Adil Vəliyevin təşəbbüsü ilə digər məktəbə direktor təyin edilib. Mənbəmiz bildirir ki, xanımın həmin məktədən digər məktəbə direktor göndərilməsi üçün hətta , Adil Vəliyev eks təhsil Naziri Misir Mərdanova şəxsən özü xahiş etmişdi.
Məktəb rəhbəri bu şagirdlərin demək olar ki, hamısını müxtəlif yığımlara cəlb edir. Maraqlı bir məlumatı diqqətinizə çatdırmaq istəyirəm. Bir neçə il əvvəl məktəbdə müəllimlər günü qeyd edilən zaman mübahisəli vəziyyət yaranmışdı. Belə ki, direktorun ad günü ilə müəllimlər günü eyni günlərə təsadüf edirdi. Amma müəllimələr bu münasibətlə direktoru təbrik etməmişdilər. Bundan qəzəblənən Xədicə xanım bir neçə aylıq məktəbdəki ibtidai hazırlıq kurslarını ləğv etdi, müəllimləri səbəbsiz yerə incitdi. Vəziyyətin belə alındığını görən müəllimlər isə məcburiyyət qarşısında qalaraq maaşlarından 20 manat ayırıb direktoru gec də olsa təbrik etdilər. Yalnız bundan sonra Xədicə Eminovanın hirsi “soyudu”.
Məktəbdəki mənbələrdən verilən məlumatlara görə, əslən Füzuli rayonundan olan direktorun təhsil sektorundan demək olar ki, heç bir anlayışı yoxdur: «Xədicə xanımın yetərincə savadı yoxdur.Sadəcə icra başçısı kimi himayəsi var”.
Hazırda icra başçıları ilə bacara vbilməyən, yerli təhsili onlara uduzan Mikayıl Cabbarov təhsil naziri postundan gedib. İnanırıq ki, yeni nazir belə kadrlarla vidalaşacaq. Ardı var.