AZ
RU
Sumqayıtdakı “Ordubad” market düzəlmir ki, düzəlmir -Nöqsanlar davam edir
Sumqayıt şəhərində yerləşən məşhur “Ordubad” market illərdi Azərbaycan Qida Təhlükəsizlik Agentliyi (AQTA) tərəfindən müxtəlif qanun pozuntularına görə cərimələnir. Qanunları pozması ilə bağlı müxtəlif cərimələrin və xəbərdarlıqların edilməsinə baxmayaraq yenədə “Ordubad” marketdə ciddi nöqsanlar qalmaqda davam edir.
Yenixeber.org: Əldə etdiyimiz məlumata görə xəbərdarlıqlara baxmayaraq son aylar “Ordubad” marketdə Azərbaycan dilində markalanması olmayan məhsulların, eləcə də ev şəraitində hazırlanan və zəmanəti olmayan məhsulların satışı çoxalıb. Həmçinin marketdə Nazirlər Kabinetinin qərarı ilə təsdiq edilmiş metodiki göstərişlərin tələblərindən irəli gələn bir sıra qaydalara əməl olunmaması və kobud şəkildə pozulması faktları mövcuddur.
Bildirək ki, “Ordubad” marketdə AQTA tərəfindən müxtəlif qanun pozuntuları və nöqsanlar aşkar edilməsinə və müvafiq tədbirlərin görülməsinə baxmayaraq, obyekt rəhbəliyi saxta işlərdən əl çəkmir. Buna səbəb isə “Ordubad” marketin sahiblərindən birinin yüksək vəzifəli məmur olması ilə bağlıdır. Bundan başqa “Ordubad” market rəhbəri Taleh Əfrasiyaboğlu adlı şəxsin vergidən yayınmaq üçün müxtəlif vasitələrə əl atdığı bildirilir.
Mövzuya qayıdacağıq.
Qarşı tərəfin mövqeyini dərc etməyə hazırıq.
.jpg)
