AZ
RU
ABŞ-ın “14 milyonluq inqilab” planı etiraz doğurdu
Eynulla Fətullayevin iddiaları QHT liderlərini ayağa qaldırdı; Amerikanın verdiyi qrantlarla bağlı ittihamlara sərt təpki gəldi...
"xeberinfo.com": Jurnalist Eynulla Fətullayevin ABŞ-ın Azərbaycanda planlaşdırdığı növbəti pullu inqilab haqda yazısı haqda xəbər verilib. Geniş həcmli məqalədə ABŞ-ın 14 milyon dollarlıq inqilab yetişdirməsindən bəhs olunub. Yazıda xüsusilə QHT-lərə ayrılan qrantlar, rəqəmlər, onların həcminə yer ayrılıb.
İctimai Təşəbbüslər Mərkəzinin rəhbəri, iqtisadçı ekspert Qubad İbadoğlu iddialara cavab olaraq öncə bildirib ki, Soros Fondu artıq fəaliyyətini dayandırıb: “İkincisi, bizə fonddan verilən qrantın məbləği yazıda göstərildiyi qədər olmayıb. Biz ABŞ-ın bəzi təşkilatları ilə işləmişik. Onlarla sosial-iqtisadi sahədə, o cümlədən kənd təsərrüfatı ilə bağlı layihələrimiz olub. Bilirsiniz ki, Mədən Sənayesində Şəffaflıq Təşəbbüsünün qeydiyyatı olmayıb.
Soros Fondu da mühasibat, maliyyə işlərimizi yaxşı qurmağımızdan ötəri bizi maliyyə operatoru kimi təyin edib. Burada 5-10 min dollardan söhbət gedə bilər. Ona görə də yazıda həddindən çox şişirdilmiş rəqəmlər göstərilib. Hər zaman əməkdaşlıq etdiyimiz təşkilatlar qarşısında hesabat vermişik, heç bir qüsurumuz olmayıb. Bu hesabatlar konfranslarda açıqlanıb, gizli saxlanmayıb. Eləcə də dövlət orqanlarını maliyyə hesabatlarımızla məlumatlandırmışıq”.
.jpg)
