AZ
RU
Prezident ictimai-siyasi proseslərə münasibət bildirdi
Prezident İlham Əliyevə məxsus twitter hesabından (@azpresident) Azərbaycandakı siyasi-iqtisadi proseslərlə bağlı qısa mesajlar paylaşılıb.
Xeberinfo.com: Ölkə başçısı “2015-ci ildə Azərbaycanın dinamik inkişafı təmin edilmişdir. Azərbaycan iqtisadiyyatı dayanıqlı iqtisadiyyatdır, onun neftdən asılılığı daha da azalmışdır”, - deyə yazıb.
Prezident İlham Əliyev həmçinin “2015-ci ildə parlament seçkiləri şəffaf, ədalətli keçirilmiş, Azərbaycan xalqının iradəsini əks etdirmişdir”, - deyə qeyd edib.
İ.Əliyev I Avropa Oyunlarının Azərbaycan dövlətinin və idmanının təntənəsi olduğunu da vurğulayıb.
Ölkə başçısına məxsus twitter hesabından paylaşılan qısa mesajları təqdim edirik:
“Azərbaycan müstəqil siyasət aparır, öz xalqının maraqlarını müdafiə edir və bundan sonrakı dövrdə də prinsipial mövqeyindən dönməyəcəyini bildirib”.
“Ermənistan-Azərbaycan, Dağlıq Qarabağ münaqişəsi beynəlxalq hüququn norma və prinsipləri əsasında həll olunmalı, Azərbaycanın ərazi bütövlüyü bərpa edilməlidir”.
“Ermənistan sülh istəmir, danışıqlarda özünü qeyri-səmimi aparır və müxtəlif bəhanələrlə danışıqlar prosesini uzatmağa çalışır”.
“2015-ci ildə icrasına başlanılmış TANAP layihəsinin həyata keçirilməsi nəticəsində Azərbaycanın zəngin qaz resursları dünya bazarlarına çatdırılacaq”.
“Şərq-Qərb və Şimal-Cənub nəqliyyat dəhlizləri reallaşandan sonra Azərbaycan dünya miqyasında əvəzolunmaz tranzit ölkəsinə çevriləcəkdir”.
