Redaktor seçimi
Baş memarı qurban verən icra başçısının 35 minlik bazarlığı - Bir Gülməmmədova dosyesi...-
Azərbaycan Avtomobil Yolları Dövlət Agentliyində nə baş verir? –
DSX-nın keçmiş rəis müavini Sücəddin Abdullayevin oğlu vətəndaşları aldadaraq, milyonlara sahib oldu -
Fuad Muradovun ikillik rəhbərliyi diaspor fəaliyyətində çöküş yaratdı-
Gömrük generalı İsmayıl Hüseynov casusların himayəçisidir? – 
“Kodak” hara, dərman istehsalı hara?-
Penitensiar xidmətin rəisi dənizi işğal edib, yolu da bağlayıb –Sakinlər şikayətçidir: 
Zaur Hüseynovun xaricdəki ailə biznesi – 28 yaşlı oğlunun “uğur hekayəsi”-
Günün xəbəri

Britaniya Rusiyaya qarşı sanksiya mexanizmini işə saldı

 

 Sergey Maqnitskinin ölümündən 11 il sonra bəzi Rusiya rəsmiləri, o cümlədən “Matrosskaya tişina” təcridxanasının azərbaycanlı rəisi Londonun sanksiyalarına məruz qaldı

Yenixeber.org: Böyük Britaniya hökuməti auditor və hüquqşünas Sergey Maqnitskinin ölümü ilə əlaqədar 11 il sonra Rusiyanın bəzi məsul şəxslərinə sanksiya tətbiq edib. İyulun 6-da açıqlanan siyahıda 25 Rusiya vətəndaşının adı var.

Sanksiyaya məruz qalan Rusiya rəsmiləri arasında ən yüksək vəzifə tutanlar Rusiya İstintaq Komitəsinin sədri Aleksandr Bastrıkin, baş prokurorun müavini Viktor Qrin və daxili işlər nazirinin müavini Aleksey Aniçindir. “Matrosskaya tişina” istintaq təcridxanasının rəisi Fikrət Tağıyevə də sanksiya tətbiq edilib. Polkovnik F.Tağıyev azərbaycanlıdır, daha əvvəl adı ABŞ-ın “Maqnitski siyahısı”na daxil edilmişdi. S.Maqnitski məhz “Matrosskaya tişina” təcridxanasında ölüb.

Sanksiya tətbiq olunan şəxslərin Böyük Britaniyaya girişi, bu ölkə ərazisində, eləcə də onun təbəələrinin vasitəçiliyi ilə biznes aparmaları qadağan edilir, Britaniyada aktivləri varsa, dondurulur.

London 11 il sonra bu məsələyə qayıtmasının səbəbini Avropa Birliyinin tərkibində olarkən müstəqil şəkildə sanksiya mexanizmi işləyib tətbiq etməsinin qeyri-mümkünlüyü ilə əsaslandırır. “Brexit”dən sonra isə bu, mümkün olub. (Məsələn, ABŞ 2012-ci ildə “Maqnitski Aktı”nı qəbul edib və bu çərçivədə sanksiyalara başlayıb.) Xüsusən 2018-ci ilin martında Solsberi şəhərində Rusiya xüsusi xidmət orqanlarının sabiq zabiti Sergey Skripal və qızının zəhərlənməsindən sonra Britaniya parlamenti öz “Maqnitski Aktı”nı qəbul etməyi sürətləndirib. Bu qanun insan haqları pozuntuları və korrupsiyada iştirakı olan əcnəbilərə sanksiyaların tətbiqinə imkan verir.

London bununla həm də beynəlxalq münasibətlər sistemində müstəqil və güclü oyunçu kimi çıxış etməyə başladığını nümayiş etdirir.

Böyük Britaniyadan sonra Avropa Birliyi də “Maqnitski Aktı”nın analogiyası üzrə öz sanksiya mexanizmini yaratmağa qərar verib. Niderland tərəfindən irəli sürülən bu təşəbbüs 2019-cu ilin dekabrında AB-nin 23 ölkəsi tərəfindən dəstəklənib.

Xatırladaq ki, Sergey Maqnitski Rusiyada fəaliyyət göstərən “Firestone Duncan” konsaltinq firmasının əməkdaşı olub. “Hermitage Capital Management” investisiya fondunun maraqlarını təmsil edən bu şirkət 2007-ci ildə Rusiya dövlət büdcəsindən 5,4 milyard rubl pul oğurlanması faktını aşkarlayıb. Bundan sonra S.Maqnitski vergidən yayınmaqda ittiham edilərək həbs olunub və 2009-cu ilin noyabrında təcridxanada müəmmalı şəkildə ölüb.(pressklub)

шаблоны для dle 11.2

Xəbər lenti

Reklam

Sorğu

    
     

    Saytımızı bəyəndiniz?


     
     
{sape_links}{sape_article}