Redaktor seçimi
12 illik icra başçısının gözqamaşdıran SƏRVƏTİ... -
Niyazi Bayramovun başı dərddə -Gəncədə daha kimlər həbs oluna bilər? -
Elm və Təhsil Nazirliyinin qrant müsabiqəsi-
Cahid Hüseynovun və qohumlarının “Azəriqaz”dakı qanunsuz əməlləri... -
XALQDAN “QAZANILIB” BRİTANİYADA BATIRILAN MİLYONLAR - Və deputat Feyziyevin digər həmkarlarından fərqi -
Kərəm Həsənovun müavinindən şikayət etdi, evinin "altını üstünə çevirdilər" –
"Azərenerji" ASC-nın dövləti milyardlarla borca salmasının səbəbi bilindi-
SUDAN ÇIXARILAN MİLYARDLAR... – Əhmədzadələrin dəbdəbəli həyatının sirri -
Günün xəbəri

Ermənilərə tövsiyə...-partiya sədri yazır

 

Ermənilər Azərbaycanın lütf edərək onlara bağışladığı ərazilərdə bundan sonra dinc yanaşı yaşamaq istəyirlərsə ağıllarını başlarına yığsınlar!

Yenixeber.org: 44 günlük müharibədə darmadağın edilən ermənilər layiqli cavablarını alsalar da, hələ də lazımi nəticə çıxarmayıblar, revanş hissi ilə alışıb-yanırlar. "Suda boğulan saman çöpündən yapışdığı kimi", ermənilər də sərhəd məsələsini bəhanə edərək “cuşa gəliblər”. Mövcud olduqları bütün zamanlarda bu miskin toplum öz məkirli məqsədlərinə nail olmaq üçün həmişə olduğu kimi, Qaragöl ətrafında baş verən hadisələri əsas gətirərək, yenə də türk düşmənlərinin əli ilə nəyə isə nail olacaqlarına ümid edirlər. Mayın 20-də Nizami Gəncəvi Beynəlxalq Mərkəzinin “Cənubi Qafqaz: Regional inkişaf və əməkdaşlıq perspektivləri” mövzusunda təşkil edilən müzakirələrdə çıxış edən Prezident İlham Əliyev ermənilərin əsassız idiialarına çavab verərərk bildirmişdir ki: "Ermənistanın baş naziri Rusiya Prezidentinə, Fransa Prezidentinə, digər dövlət başçılarına zəng vurur. Ermənistan sərhəddəki bu kiçik epizodu beynəlmiləlləşdirməyə çalışaraq rəsmi olaraq Kollektiv Təhlükəsizlik Müqaviləsi Təşkilatının münaqişəyə cəlb olunması üçün məktub göndərir. Eyni zamanda,onlar NATO-ya məktub göndərir və o məktub dərc olunmuşdu.Bu,tamamilə əks-təsir yaradır (!) və onların hər kəsə iddialarının olduğunu göstərir.Onlar hesab edirlər ki,bütün dünya onlara necə kömək etmək barədə düşünməlidir. Lakin əgər onlar özlərini müstəqil dövlət hesab edirlərsə, öz qayğılarına özləri qalmalıdır”. Başqa sözlə, “dəyirman öz işini görür, çax-çax isə baş ağrıdır!”

Özlərini dünyada hegemon, söz sahibi hesab edən bəzi dövlətlərin Cənubi Qafqaz regionunda müəyyən maraqları olduğu, bu maraqlarının təmin edilməsi üçün həmişə ermənilərdən bir vasitə kimi istifadə etdikləri heç kim üçün sirr deyil. Vətən müharibəsində Azərbaycanın əldə etdiyi möhtəşəm qələbədən sonra regionumuzda yaranan obyektiv şəraiti diqqətə çatdıran İlham Əliyev regionumuzda hansısa maraqlarını təmin etməyə çalışanların nəzərinə çatdırmışdır ki: "Biz tam anladıq ki, maraqlar ola bilər və onlar bir-biri ilə toqquşa bilər. Lakin bizim siyasətimiz ondan ibarətdir ki, Azərbaycan toqquşma məkanı deyil, əməkdaşlıq yeri olmalıdır. Bu,əslində, belə də baş verir”.

Erməni KİV-də gedən informasiyaların təhlili göstərir ki, mənfur qonşularımızı (belə görünür ki, onlarda daha çox İranı) ən çox əndişələndirən Zəngəzur dəhlizinin açılması ilə bağlı 10 noyabr 2020-ci il tarixli üçtərəfli razılaşmadır. Onlar hər vəclə bu razılaşmanı pozmağa çalışırlar. Bu məsələyə toxunan Azərbaycan Prezidenti qeyd etmişdir ki, "Biz nəqliyyat məsələlərində, xüsusilə Azərbaycanı Naxçıvan Muxtar Respublikası ilə birləşdirəcək Zəngəzur dəhlizinin açılması məsələləri ilə bağlı əməkdaşlıq təklif etmişik....Proses başlayıb, bu, asan deyil, lakin başlayıb”. Beləliklə, Prezident bir daha Zəngəzur dəhlizi məsələsində birmənalı mövqeyini nümayiş etdirmişdir. Yəqin ki, Prezidentin bu ismarıcını “maraqlı tərəflər” nəzərə alacaq və öz məkirli niyyətlərindən vaz keçəcəklər.

Azərbaycan torpaqlarında ikinci erməni dövləti yaratmaq xülyalarından heç cür əl çəkmək istəməyən ermənilər yenə də havadarlarına, xüsusilə də, Fransanın, Rusiyanın, İranın baş tutması mümkün olmayan xam vədlərinə arxalanaraq, Dağlıq Qarabağa hansısa statusun veriləcəyinə ümid edirlər. Bu məsələyə münasibət bildirən Prezident İlham Əliyev qəti şəkildə bildirmişdir ki: "Dağlıq Qarabağ işğal dövründə və indi də Azərbaycanın bir hissəsidir və bu, həmişə belə olacaq. Buna görə də onlar Dağlıq Qarabağın statusu haqqında bütün səylərdən vaz keçməlidirlər. Bu, müzakirə predmeti olan məsələ deyil”. Ermənistanı “sevənlərə”, ermənilərlə eyni mövqedə olanlara, xüsusən də ermənilərin özlərinə Prezidentin bu ismarıcından nəticə çıxarmağı tövsiyə edirik. Əks təqdirdə erməniləri daha acınacaqlı perspektivlər gözləyir.

Ermənistan əzəli və əbədi Azərbaycan torpaqlarında qondarılmış süni bir “dövlət” olmasına baxmayaraq, son zamanlara kimi, türk düşməni olan böyük güclərin siyasi oyunlarında alət olmaq bahasına olsa da, bəzi ədalətsiz iddialarına dəstək ala biliblər. Ancaq ermənilər artıq başa düşməlidirlər ki, nə zaman o zaman, Türkiyə və Azərbaycan da o Türkiyə və o Azərbaycan deyil! Və əgər Azərbaycanın lütf edərək onlara bağışladığı ərazilərdə bundan sonra dinc yanaşı yaşamaq istəyirlərsə ağıllarını başlarına yığsınlar!

Teyyub Qənioğlu: Təkamül Partiyasının sədri 


Facebook-da paylaş

Yeni xəbərlər

Reklam

Reklam