AZ
RU
Liberal məzənnəyə keçid dolların bahalaşmasına səbəb olacaq-EKSPERT RƏYİ
“Liberal məzənnəyə keçid yaxın zamanlarda baş verərsə o zaman dolların yenidən bahalaşmasını müşahidə edəcəyik”.
Xeberinfo.com: Bunu Gununsesiinfo-ya açıqlamasında ekspert Vüqar Bayramlı Mərkəzi bankı banklara tətəbiq etdiyi 4 fazilik marjanı ləğv etməsi ilə bağlı qərarına mövqeyini açıqlayarkən deyib.
Onun sözlərinə görə, Mərkəzi Bank artıq 4 faizlik marjı ləğv edib və bu qərarın nə zaman qüvvəyə minməsi ilə bağlı banklara ayrıca rəsmi məktub göndəriləcək: “Mümkündür ki, növbəti hərraclarda artıq liberal məzənnə prinsipinə uyğun proseduralar tətbiq edilsin. Bu isə o deməkdir ki, liberal məzənnəyə keçid çox qısa zamanda reallaşacaq. Bu halda manatın dollara nisbətən məzənnəsinin azalacağı gözlənilir”.
Ekspert onu da əlaəv edib ki, Mərkəzi Bank bunu cari tələbi ödəmədən həyata keçirərsə, hətta Neft Fondunun baş banka bu ilki 7.5 milyard manatlıq transferlərinə baxmayaraq manatın dəyər itirməsinin qarşısını almaq mümkün olmayacaq. “Liberal məzənnənin bu ilin yaz aylarında tətbiq olunması güman edilirdi. Amma belə görsənir ki, bu daha tez baş verə bilər. Amma Mərkəzi Bankın qısa zamanda liberal məzənnəyə keçidi heç də arzuolunan deyil. Təəssüf ki, ötən 2 il yarım müddətdə milli valyutamız liberal məzənnə rejiminə hazırlaşdırılmadı. Liberal məzənnəyə keçid yaxın zamanlarda baş verərsə o zaman dolların yenidən bahalaşmasını müşahidə edəcəyik”- deyə, o bildirib.
