AZ
RU
"Bakı-2015": Əlimərdanova "bürünc"lə kifayətləndi
Bu gün Bakı-2015 I Avropa Oyunlarında boks üzrə yarışların yarımfinal mərhələsinə yekun vurulacaq və eyni zamanda finallara start veriləcək.
"Xeberinfo.com": Məlumata görə, gün ərzində 10 çəkidə döyüşlər baş tutacaq.
Bu çəki dərəcələrinin 5-də finala vəsiqə qazananların adları bilinəcəksə, digər 5-də yarışlara yekun vurulacaq.
Azərbaycan boksçularından Teymur Məmmədov komandamıza ilk çempionluq sevincini yaşada bilər. Həmçinin, daha 4 idmançımız final uğrunda son döyüşünə çıxacaq.
Qadınlar arasında 54 kq çəki dərəcəsində yığmamızın liderlərindən Anna Əlimərdanova Avropa Oyunlarında ikinci döyüşünə çıxıb. Boksçumuz yarımfinalda Rusiya idmançısı Yelena Savelevaya ilə qarşılaşıb. Gərgin keçən döyüş rəqibin qələbəsi ilə başa çatıb – 3:0 (40:36; 39:37; 40:36).
Əlimərdanova isə yarımfinalda mübarizəni dayandırdığından bürünc medalla kifayətlənib. Bu, boks komandamızın 2-ci, yığmamızın 41-ci mükafatı olub.
.jpg)
