AZ
RU
Daha bir şirkət rəhbəri həbs olundu
Adı dəfələrlə mətbuatda fırıldaqçılıqda hallanan “Global Edu.az” şirkətinin rəhbəri həbs olunub.
"Xeberinfo.com": Məlumata görə, çoxsaylı şikayətlərlə bağlı aparılan araşdırmalar nəticəsində Tərlan Yusubovun haqqında cinayət işi açılıb və barəsində həbs verilib.
Xatırladaq ki, hələ ötən ay həmin şirkətin fırıldaqçılığı ilə bağlı “Qafqazinfo”ya şikayət daxil olmuşdu.
Paytaxt sakini şikayətində bildirmişdi ki, “Global Edu.az” təhsil şirkətinə iyul ayında Londona on günlük təhsil və səyahət məqsədilə iki nəfər üçün 2800 manat verib. Ancaq şirkət qeyd edilən müddətdə uşaqları xaricə aparmayıb, bununla yanaşı hələ də ödənilmiş məbləği valideynə geri qaytarmayıb. Sözügedən məqalədən sonra şirkət rəhbəri Tərlan Yusubov redaksiyamıza gələrək qeyd olunan ittihamlara münasibətini bildirərək viza probleminin yaşandığını və ödənilən məbləğlərin geri qaytarılacağını bildirmişdi.
“Qafqazinfo”
.jpg)
