Dələduzlar beynəlxalq hüquq-müdafiə təşkilatının adından fəaliyyət göstərirlər

Yenixeber.org: İnsan Hüquqlarının Müdafiəsi üzrə Beynəlxalq Komitənin Direktorlar Şurası (CIPDH) bəyanat yayaraq Azərbaycanda təşkilatın adından dələduzluq edildiyini bildirib.

"Azərbaycanda CIPDH nümayəndəliyi qeydiyyatda deyil və mövcud deyil. Yalnız Azərbaycan hakimiyyətinin rəsmi icazəsi alındıqdan sonra Bakıda nümayəndəlik qeydiyyatdan keçəcək.

Azərbaycanda bizim təşkilatın fəaliyyəti ölkənin maraqlarını təmsil etmək nəzərdə tutulub. Bu, yalnız icazə və Azərbaycan Respublikasının dövlət qurumları tərəfindən verilən xüsusi status aldıqdan sonra mümkündür.

M.Elchin Axundzadə kimdir?

CIPDH heyəti M.Elchin Axundzadəni tanımır. O, bizim təşkilatın üzvü deyil. Bu, dələduzluqdur. Biz daxili araşdırmaya başladıq və başa düşmək istəyirik ki, o, niyə bizim təşkilatın formasını geyinib və ona bu səlahiyyəti kim verib? Biz bu adamın kim olduğunu bilmirik və ona KİV ilə əlaqə yaratmaq üçün icazə verməmişik.

M.Ismayil Ağayev kimdir?

M.Ismayil Ağayev Azərbaycan Respublikasında təşkilatın nüfuzuna zərər vurduğuna görə CIPDH üzvlüyündən xaric edilib.

Mərkəzi Asiyada layihələrin Koordinasiya Bürosu Azərbaycanda CIPDH rəsmi xidmətidir ki, qurum bu ölkədə təşkilatın fəaliyyətə başlaması üçün Azərbaycan Respublikası hakimiyyəti ilə danışıqlar aparır.

Bu xidmətin mütəxəssisləri və məsləhətçiləri Azərbaycan Respublikasının hüquq-mühafizə orqanlarına rəsmi sorğu göndərərək komitənin Azərbaycan nümayəndəliyinin məqsəd və vəzifələrini açıqlayıblar. Onlar həmçinin Bakı nümayəndəliyində çalışan əməkdaşların seçimində iştirak edirlər.(Turan)

Əlaqə nömrələri:

+994 (50) 371 70 40.

+994 (50) 244 99 32.

asie.centrale@cipdh.fr

Badamdar, 3-cü Bağlar küçəsi, tikili 6, AZ1021, Bakı, Azərbaycan. -02D-