AZ
RU
Rusiya ordusunun və rus oliqarxlarının helikopterləri belə “ovlanır”
Böyük Britaniyanın nəqliyyat naziri Qrant Şapps rusiyalı oliqarxa məxsus şəxsi təyyarələrdən daha birinə əl qoyduqlarını açıqlayıb.
Yenixeber.org: Bu barədə o, Tvitter səhifəsində yazıb.
“Biz minlərlə günahsız insanın qanlarının töküldüyü bir vaxtda Putinin himayəsi altında milyonlarla pul qazananların dinc şəraitdə yaşamasını seyr etməyəcəyik”, - deyə Şapps yazıb.
Böyük Britaniya Nəqliyyat Departamenti xüsusi bildiriş yayaraq, təyyarənin Londonun Luton hava limanından qalxmasına icazə verilmədiyini bildirib.
Lakin nazirlik hava gəmisinin kimə məxsus olduğu barədə informasiya verməkdən boyun qaçırıb.
Bundan öncə departament “HeliCo Group LLC” şirkətinə aid bir helikopterin və iki şəxsi təyyarənin müsadirə olunduğunu xəbər etmişdi.
Həmin təyyarələr Roman Abramoviçin ortağı, milyarder Yevgeni Şvidlerə məxsusdur.
.jpg)
