“Azov” batalyonu Rusiyanın Ukraynaya qarşı müharibəyə başladığı ilk gündən mühasirəyə aldığı Mariupol şəhərindəki küçə döyüşlərindən yeni video yayıb.

Yenixeber.org: Çəkilən kadrlarda raketin birbaşa hədəfə – bombalanmış yol ilə hərəkət edən Rusiya tankına dəydiyi görünür. Zərbə nəticəsində hərbi texnikanın çəni yanıb.

Qeyd edək ki, Ukrayna Baş Qərargahının martın 29-u saat 00:00-a olan xülasəsində verdiyi məlumata görə, qoşunlar Mariupolun hərtərəfli müdafiəsinə davam edirlər.

KİV-in məlumatlarına görə, Rusiya qoşunları Ukraynanın digər şəhərlərinə ərzaq çatdırılmasına və dinc sakinlərin təxliyəsinə mane olur. Eyni zamanda, yerli sakinləri Rusiyaya məcburi deportasiya edirlər.

Mariupol meri Vadim Boyçenkonun sözlərinə görə, şəhər Ukrayna Silahlı Qüvvələrinin nəzarəti altındadır və şəhəri mühasirəyə alan Rusiya hərbçiləri ətrafdakı bəzi ərazilərə nəzarət edirlər.

Xatırladaq ki, Mariupola Rusiya hücumları nəticəsində 210-u uşaq olmaqla 5 minə yaxın insan həlak olub.(UNİAN)