AZ
RU
Ukrayna hərbçiləri rusları mühasirəyə ala bilər-Buça və İrpendə
Ukrayna hərbçiləri Kiyevin kənarındakı şəhərlərdə Rusiya mövqelərinə qarşı uğurlu əks-hücumlar həyata keçirir və çox güman ki, Makarov və Moşçun yaşayış məntəqələrini geri alıblar.
Yenixeber.org: Bu barədə Britaniyanın Müdafiə Nazirliyi “Twitter” səhifəsində məlumat yayıb.
"Ukrayna qüvvələrinin indi Buça və İrpində Rusiya ordusunun bölmələrini mühasirəyə alması real ehtimalı var", - məlumatda deyilir.
Britaniya kəşfiyyatının məlumatına görə, Ukraynanın uğurlu əks-hücumları Rusiya hərbçilərinə Kiyevə hücumu yenidən təşkil etməyə imkan vermir.
Qeyd olunur ki, Ukrayna Silahlı Qüvvələri Kiyevin şimal-şərqində Rusiya qüvvələrinə təzyiqi artırır. Rusiya hərbçiləri artıq ciddi təchizat və mənəvi problemlərlə üzləşiblər.
