AZ
RU
.jpg)
“Ukraynanın cənub-şərqində hərbi əməliyyatların baş verməsi ehtimalı yüksəkdir”.
Yenixeber.org: Bunu Rusiya prezidentinin mətbuat katibi Dmitri Peskov deyib. Onun sözlərinə görə, bu məsələ Rusiya üçün narahatlıq doğurur.
“Donbassda müharibə ehtimalı varmı” sualını Peskov belə cavablandırıb:
“Ukraynada hərbi əməliyyatların baş verməsi ehtimalı hələ də yüksəkdir. Bu, hələ də bizim üçün xüsusi narahatlıq doğuran məsələdir” – Peskov vurğulayıb.
Onun sözlərinə görə, Moskva Krımı qaytarmaq niyyətində olduğunu bəyan edən Ukrayna prezidenti Vladimir Zelenskinin sözlərini Rusiya və region üçün təcavüz sayır:
“Biz prezident Zelenskinin bəyanatlarını təhlil edirik. Parlamentdə çıxış edən Zelenski deyib ki, Krımın qaytarılması Ukraynanın əsas məqsədi və fəlsəfəsi olmalıdır. Biz bunu birbaşa Rusiya üçün təhlükə kimi görürük. Bu ifadə o deməkdir ki, Kiyev Rusiyaya təcavüz etmək üçün istənilən, imkanlardan, o cümlədən güc yolundan yararlanmaq niyyətindədir” – Peskov deyib.
