AZ
RU
"Deməsinlər məcnuna bax"
(Nakam sevənlərə nəsihətim)
Bir aşiq tanıdım,
Unudub həyatı, qapanıb özünə.
Özünü göm edib,
Ağrılı-acılı dözümə.
Unutmaq istəmir əğyar olanı
Ey aşiq!...
Dinlə, eşit məni.
Özünü mübtəla etmə,
Dərdə qəmə əsarətə.
Son qoy!
Canından can çıxsa da,
Vüsalı olmayan həsrətə.
Gəl sevmə, səni sevməyəni,
Uzaq olub səndən
Səni görməyəni.
Leyli tək
Eşqini bölməyəni.
Onu unut sən,
Çətində olsa, qəlbində yansa,
Unut onu,
Etmə ahu, nalə,
Gətirmə həyatını dözülməz halə.
Pıçılda qəlbinə,
Səsini könlün duysun.
De ki, səni,
Sənə buraxıb səndən gedirəm,
Səni qəlbimdən,
Çox uzaqlara sürgün edirəm,
Yaşa,yarat,yaz
Sənin şair adın var,
Deməsinlər Məcnuna bax,
Aç gözünü, aç gözünü,
Səni sevməyənləri,
Özün yandır, yax....
Budur sənə,
Dost sözü, ana nəsihəti,
Dİnləyib sən,
Qarşına qoy bəsirəti!!!
Təranə Şəms
(29).jpg)
