AZ
RU
"Qanlar qaynasın"Təranə Şəms
Qanlar qaynasın
Aynalar silindi üzlər göründü,
Bəs, o çirkli əllər kimin cibində?...
Satılmış vicdanla nələr bölündü,
Qanunsuz, qanunlar hansı biçimdə?...
Siyasi hökümlü bir insan gərək,
Millətin başını bir yerə yığa.
İlləri itirsək say doxsan gərək,
Birləşək, birləşək gülməsin dığa!...
Əl qoyun seçimə vaxtımız dardır,
Tələsək, tələsək zaman gözləmir.
Allahın özü də, bizlərə yardır,
Düşmən iş başında, aman gözləmir.
Şüurda inqilab, başda inqilab,
Təffəkkür dəyişsin, zəka söz desin.
Cavanlar ayılın, yaşda inqilab,
O, baş ki, işləyir niyə döz desin!...
Millətin mənliyi niyə alçalır?...
Çıxsana ortaya söz deyən ol sən!...
Kasibin balası niyə ac qalır?...
Ayıl ki, az verib çox yeyən ol sən!...
Yuxlayıb qalma sən, önə çıxsana!...
Qoyma ki,əzmini düşmənin qapa.
Qıfıllı zənciri özün qırsana,
Bizimsə gələcək, qoy xalqım tapa!...
Gücünün qüdrəti birlikdən keçir,
Çiyinlər birləşib, əllər oynasın!...
Məhsulun bolluğu dirlikdən keçir,
Açılsin, buxovlar qanlar qaynasın!...
