AZ
RU
NADİR ZİYADLI- şerlər
- "Xeberinfo.com":
- Çiçəklər açdı, gülüm,
- Ətrini saçdı, gülüm.
- Bəs sən niyə gəlmədin
- Durnalar qayıdanda.
- Nə uzaq düşdü günlər,
- Özündən küsdü günlər.
- Bəs sən niyə gəlmədin
- Durnalar qayıdanda.
- Dağlara düşdü səsim,
- Dərdi üşütdü səsim.
- Bəs sən niyə gəlmədin
- Durnalar qayıdanda.
- Dumana, sisə düşdüm,
- Sənsizlik üzə düşdü.
- Bəs sən niyə gəlmədin
- Durnalar qayıdanda.
- Göydə buludum doldu,
- Baxtım, umudum doldu.
- Bir dünya sənsiz oldu.
- Bəs sən niyə gəlmədin
- Durnalar qayıdanda.
- 10.VI.1985
- ÖTÜR BU QATAR...
- Sən oxu qəlbimi, oxu bu axşam
- Qoy səsin, özümü qaytarsın mənə.
- Mən elə qəribəm, bu yer üzündə,
- Bəlkə də, səsinlə gəldim özümə.
- Nə nağıl istərəm, nə də var -dövlət
- Bir şirin təbəssüm, təşnəsiyəm mən.
- Bu payız günündə , son yarpaq kimi,
- Sənin baxışınla, öləsiyəm MƏN...
- Sənimi oxşayım, kövrək çicəyim
- Mən qoca payızam, sənsə ilk bahar.
- Səni oxşamağım, bu mümkün deyil
- Elə bizli, bizsiz ötür bu qatar..
- 27.09.2014.
- XATIRLA MƏNİ…
- Mənsizliyin, gülüm, səni sıxanda
- Göz yaşların yanağından axanda,
- Qəmli duran söyüdlərə baxanda –
- Xatırla məni...
- Düşsə yada gözlərimin həsrəti,
- Unsuf gəzsən bu atəşi, nəfəsi
- Sən eşitsən nalə çəkən qu səsi –
- Xatırla məni...
- Göy gurlasa, şimşək çaxsa qəfildən,
- Təsəllisiz nida qopsa qəlbindən,
- Soruşsalar itkin düşmüş sevgindən
- Xatırla məni...
- Gözlərindən qaçaq düşsə yuxular,
- Yatağına dolsa soyuq, şaxta, qar,
- O işıqdqa görsən tənha kölgə var –
- Xatırla məni...
- Xatırla məni...
- 30. VIII.1984.
- GECƏ NƏĞMƏSİ
- Axar bulaqların şırıltısında,
- Gecə quşlarının pıçıltısında,
- Ürkək ulduzların parıltısında,
- Bu gecə bahara qayıtmaq olmur,
- Bu gecə gecəni ayıltmaq olmur.
- Saçında bir isti nəfəsin yadı,
- Gözündə mas-mavi dənizin adı,
- Bu gecə yol alır payıza sarı,
- Bugecə nəm dadır payızın dadı,
- Bu gecə payızdan ayrılmaq çətin,
- Bu gecə bahara qayıtmaq olmur.
- Könlümdən keçən giziltilərimdən,
- Qaşımda donacaq ilk heyrətimdən,
- Bir də gözlərinin dərinliyindən,
- Bir sarı gecəni soraqlar gecə,
- Qaranlıq içində sayıqlargecə,
- Əlimin içindən keçən cığırlar,
- Əlimi bahara çatdıra bilmir,
- Bu gecə bahara qayıtmaq olmur,
- Bu gecə bağlanıb bahara yollar,
- Bu gecə yuxumda bir gözəl ağlar,
- Duyumlar içində, hisslər içində,
- Bu gecə gözümdə payız bayılar,
- Payızın sap-sarı qolları üstə,
- Bahara tələsən yolları üstə,
- Mənim ürəyimdə qırılar nəsə..
- Bu gecə nağillar ünvan istəyər,
- Bir ürək istəyər güman istəyər,
- Hardasa, hardasa xatirələrdə,
- Şəbnəmə bürünmüş otlar göyərər,
- Bu gecə buludlar qəmimdən doymur,
- Bu gecə o ürək, o güman hanı,
- Bu gecə bahara qayıtmaq olmur.
- 29.11.1982. Bakı.
