AZ
RU
SATQINIQ
Xeberinfo.com:
Hansı arzu-diləklə,
Utana-utana öz gözümə baxım mən.
Baxan gözüm ağlarsa,
Yaşımı tumarlayıb hansı səmtə, hansı yana,
Dəli-dəli axım mən.
Torpaq bizim,yer bizim, Vətən bizim,
Bilmişik, dərdi çox,
Çəkiləcək, ödəyəcək bədəli çox,
Bitməyən qəmi çox, kədəri çox.
Yatmışıq mışıl-mışıl,
Top atılır oyanmırıq,
Çaşqın-çaşqın göz açıb ora-bura boylanmırıq.
Nələri itirmişik hədəri çox.
İtənlər, yara təki ürəklərdə bitənlər
Geri dönübmü?
Bu ağrı, acı qəlbimizdə sönübmü.
Bizik, bizdən olmuşuq,
Astara yamaq tikib,
Üzsüz, üzdən olmuşuq.
El, elindən ayrılıb,
Didərdinik, qaçqınıq,
Qopan tufandan sonra,
Sel gətirən daşqınıq.
Çürüdük, içdən çürüdük,
Toxum təki səpildik,
Göyərmədik batqınıq.
Vətən adlı anamızın,
Ağarmış saçlarında düşmən əli gəzdirən,
Oğul, uşaq, ana, bacı bilmədik,
Düşmənə baş əydirən,
Qara dəftər dolduran,
Əl-əl gəzən, SATĞINIQ.
TƏRANƏ ŞƏMS.
