AZ
RU
.png)
.png)
Mən belə deyildim...
*****
Düşünə bilmədim gənclik çağımda,
Bilməzdim həyatın əksi nə olar.
Çiçəklər əkərdim könül bağımda,
Deyərdim qoxusu ruhumu oxşar...
*****
Büdrədim, yıxıldım yenidən durdum,
Yıxanın kimliyi agah olanda;-
Sağımda, solumda onları duydum.
Başıma qapazı cütəlli vurdum.
*****
Beləcə, nifrəti toxum etdilər,
Kəsimi içimdən xain insanlar.
Şumlayıb qəlbimi nifrət səpdilər,
Baxsana ortada dəlil, nöqsanlar...
*****
Yaxşıya yamanlıq həyat löfhəsi,
Bilsəmdə, insanlar bəyan etdilər.
İnsanlıq amalım həyat töhfəsi,
Tutulan yolları əyan etdilər...
*****
Nifrətim boy aldı insan adına,
Sevmədim bir daha bu yaranmısı.
Zəhərlər içildi, zəhər qatıldı,
Yaşanmış həyatın ömür qatına...
*****
İnsana inanmaq çox çətin daha,
Yaşanmış acılar bir ney səsidir.
Yazdığım bu sözlər qızıldan baha,
Dərdinə dərd qatan, kəsin, kəsidir!...
*****
Baltanı vuranda sağ- sol etdilər,
Ruhuma süzülən qanlar içildi.
O vaxtdan gözümdə belə bitdilər,
İnsanlıq özüdə belə kiçildi...
Təranə Şəms.
