AZ
RU
.png)
Mən sığa bilmirəm fani həyata
Mən sığa bilmirəm fani həyata,
Üzüldüm, qırıldım "giclər" əlindən.
Dəyişməz baxışım yəni həyata?...
Başımı itirdim " biclər" əlindən...
*****
Qələmi uzatdım sözlə, cümləyə,
Nöqtələr, vergüllər təsəllim oldu.
Söylədim fikrimi gözlə zümrəyə,
Kəçmişim, bu günə məsəlim oldu...
*****
Asıram özümü əsrin ipindən,
Aslanı, çaqqala oxşatmaq üçün.
Qaçıram bu günə keçib içindən,
Dur deyib; yenidən laxlatmaq üçün...
*****
Düşüncəm daralır görünən kifir,
Bilmirəm, yuvarlaq harda itəcək.
Yolların ayrıcı nə vaxtsa sondur?
Əvvəlin sonu var, harda bitəcək...
*****
Sənlə mən, bizik biz, ayrılan nədır?
Səhfimiz, uzanır ləpirlər kimi.
Yaşanmış ömürdən sıyrılan nədir?
Qərib tək, yelkənsiz gəmilər kimi...
Təranə Şəms 9.04.2023
