"Xeberinfo.com":   Yaşlı nəsilə mənsub olduğumdan keçmiş ittifaq dönəmində olmuş bir sıra maliyyə fırıldaqlarını oxucuların diqqətinə çatdırmaq istəyirəm. İrəvanda hayların bicnesmenləri mərkəzi bankın altına tunel cəkərək 15 milyon rubl nəqd vəsaiti çırpışdırmışdılar. Azərbaycanın cənub bölgələrinin birində isə bank işçiləri ikili bank cıxarışları ilə işləyərək dövlət müəssiələrinin pul vəsaitlərini əkişdirmişdilər. Müstəqil olduğumuz bir dönəmdə Beynəlxalq  Bankın İdarə Heyəti oliqarx deyilənlərlə əlbir olub milyard dollarla pul vəsatini buxarlandıra biliblər. Peşəkarlıq səviyyəsinə bir bax də...

Oğruluq çoxaldı, kişilik itdi,

Dayılı gədələr torpaqlar aldı.

Doğruluq basıldı, əşrəflik bitdi,

Arxalı həmzələr saraylar saldı.

Qorxaqdan şah olmaz, oğrudan zahir,

Nadandan tay olmaz, kasıbdan amir,

Gədədən bəy olmaz, harından bankir,

Olan da bankları bəlaya saldı.

Yazıldı, deyildi baxan olmadı,

Talandı, çapıldı görən olmadı,

Yol aldı milyardı pünhan olmadı,

Varidat  ofşorda yurd-yuva saldı.

Dərklilər təmkinlə dövləti  sıxıb,

Quldurlar hökmüylə  sərvəti satıb,     

Bankirlər çış-pışla bankları sağıb,  

Çökdürdü  dayağı  müflisə  saldı.

Zəlilər sərbəsdi, mülklülər zəydi,

Dərələr xəlvətdi, tülkülər bəydi,

Xilqətlər  xisləti  rüşvətlər  əydi,

Aldatdı, işbazı  çirkaba saldı.

Qapdılar sevinclə bu dövlət dağdı,

Yığdılar bəsincə bu dövlət  sağdı,

Yedilər ölüncə  bu dövlət çağdı,  

Taladı,  özünü  əzaba saldı.

Nə  qədər qanunu yumşaltsalar da,

Nə  qədər cismini  tapşırsalar da,

Nə qədər  günahı  azaltsalar da,

Müqəssir bilindi , haqqına çatdı.

İdarə etməni bilməyən başqan,

Maliyyə hesabı çəkməyən sarvan,

İmzaya  sayğılı  olmayan oğlan,   

Ünvanlı milyardı  sorğuya saldı.

“Şapka” verdi borcu aldı, qaçaq düşdü Torpağından,

Aşkar-xəlvət axtarıldı, soraq gəldi Monakadan,

Mütiliyi sənət seçdi, şöhrətləndi fırıldaqdan,

Əyriliyi ismət bildi, bəhrələndi manqurtluqdan,

Bəlkə-bəlkə qəlb ağrıdı, körpələri yada saldı?

Oliqarxa mızraq olub, zay işində hər əməli,

Qorxa-qorxa sormaq olub, var günündə dərdi-səri,

Baxa-baxa yanmaq olub, borc içində can-ciyəri,

Nala mıxa vurmaq olub, siyasətdə söz deməyi,

Pis günündə qəhərləndi, varlığını xofa   saldı.

Müstəntiqi çəkdi dara, sirrli dəlil vardan doğdu,

Ələ keçdi düşdü tara, haqlı sual faktdan doğdu,

Qandal keçdi bir cüt qola, can deyəni qəhər boğdu,

Qucaq açdı dustaqxana, balaları ağlar qoydu,

Göz yumuldu, ağıl itdi, tamah onu oda saldı.

Əşrəf-daha şərəfli, çox əziz, möhtərəm, Zahir-aşkar, aydın, mərhəmətli  insan, Zəy-ikiqat sulfat   turşuları kristallarından ibarət daş, Çağ-sağlam, yüksək səviyyədə mənasındadır.              

 Quliyev Elxan Sarı o.