AZ
RU
DEYƏ BİLMİRƏM
"Xeberinfo.com":
Könlümdü, pərişan dünyam qaralıb
Saydıqca günləri, ömrüm daralıb
Bağbanam güllərim, susuz saralıb
Həsrətim, ağlayır deyə bilmirəm.
Qəlbimdə bir nida, bir çağırış var
Kahrından inləyən, neçə qarğış var
Taleyim qarasa, acı barış var.
Həsrətim, ağlayır deyə bilmirəm.
Gözlərim yoldasa, umacağım yox
Əlini uzatsa tutacağım yox,
Qanadım qırıqdır, uçacağım yox
Həsrətim, ağlayır deyə bilmirəm.
Dönməsin həyatdan küsən ömrümə
Gözündə üşüyən, yalan sözünə,
Vəfasız aşiqə, dilin sözü nə?
Həsrətim, ağlayır deyə bilmirəm.
TƏRANƏ ŞƏMS.
(5).jpeg)
