AZ
RU
İLK MƏHƏBBƏTİM..
"Xeberinfo.com": (ilk sevgisi daşa dəyənlərin dilindən)
Söyləmə vəfasız oldun ibrətim,
Sözümdə yalanım, ilk həqiqətim,
Açılan gözlərim, ilk bəsirətim,
Ömrümü səninlə, bölə bilmədim.
Ay mənim ağlayan, ilk məhəbbətim!
Bir ömür yaşatdım, acıdan- acı,
Könlünü yandırdı, acıdan, acı,
Dağ çəkdi sinənə, daddığın acı,
Ömrümü səninlə, bölə bilmədim.
Ay mənim, ağlayan ilk məhəbbətim!
Bir ürək ağlayır, göz gülə bilmir,
Mənim tək zalıma ,söz deyə bilmir,
Əhdimə, sözümə, döz deyə bilmir,
Ömrümü səninlə, bölə bilmədim.
Ay mənim ağlayan, ilk məhəbbətim!
Diriykən ölüydün, bilmədim sağsan,
Yarasan köksümə, basılan dağsan,
Gözümdə ucasan, zirvəli dağsan,
Ömrümü səninlə, bölə bilmədim.
Ay mənim ağlayan, ilk məhəbbətim!
Xəyalən düşünsəm, yenə də gəncsən,
Telimə qısqanan, həminki tərssən,
Ruhumun, xəyalı cansız nəfəssən,
Ömrümü səninlə, bölə bilmədim.
Ay mənim ağlayan, ilk məhəbbətim!
TƏRANƏ ŞƏMS.
