“Təəssüflər ki, İŞİD dəstəklənir, bu qrup yardım alır və onlardan regiona nəzarət məqsədilə geostrateji oyunlarda fiqur kimi istifadə olunur”.

"Xeberinfo.com":  Məlumata görə, bu açıqlama ilə İranın Xarici İşlər naziri Məhəmməd Cavad Zərif çıxış edib. O, İŞİD-in meydana gəlməsində Qərbin günahkar olduğunu bildirib:

“Qərbdən Yaxın Şərqə gələn çoxlu sayda ekstremist barədə bu sual irəli sürülür ki, onlar necə təlim alıb? Onlar qeyri-demokratik cəmiyyətlərdə təlim keçməyiblər, onlar qeyri-demokratik cəmiyyətlərdə böyüməyiblər, onlar Qərbdə böyüyüblər və təəssüflər olsun ki, Suriya və İraqa gəliblər. Bu, ciddi bir sualdır. Mən İŞİD qruplaşması üçün “İslam dövləti” terminini istifadə etməkdən çəkinirəm. Çünki bu qrup nə islamdır, nə də dövlətdir. Mən onlar üçün İŞİD adını istifadə etməyə üstünlük verirəm. Təəssüflər ki, İŞİD dəstəklənir, bu qrup yardım alır və onlardan regiona nəzarət məqsədilə geostrateji oyunlarda fiqur kimi istifadə olunur. Bu hərəkət dayandırılmalıdır”.(Axar.az)