AZ
RU
Almaniya “erməni soyqırımını” tanımaqdan imtina edir
Almaniya Federativ Respublikası (AFR) hökuməti bundan sonra da 1915-1916-cı illərdə Osmanlı imperiyasında baş vermiş hadisələri xarakterizə edərkən, “soyqırım” sözündən istifadə etməməkdə israrlıdır.
"Xeberinfo.com": Məlumata görə, bu barədə bu gün Der Tagesspiegel Sol partiyanın AFR hökumətinə parlament sorğusuna verilən cavaba istinadən yazıb.
Tarixi hadisələrin qiymətləndirilməsi alimlərin işidir, deyə, sənəddə qeyd olunur və vurğulanır ki, 1915-1916-cı illərdə kütləvi qovulmaların təhlili ilə ilk növbədə bu hadisələrə aidiyyatı olan iki ölkə - Türkiyə və Ermənistan məşğul olmalıdır.
“Hazırda Federal hökumətin 2015-ci il aprelin 24-də anım tədbirlərinin keçirilməsi ilə bağlı planları yoxdur”, - deyə, sorğuya cavabda bildirilir.
Bundan əvvəl Almaniyada Mərkəzi Erməni Şurasının və digər erməni təşkilatlarının nümayəndələri bu tədbirlərdə hökumət rəsmilərinin iştirakını da istədiklərini bildirmişdilər.
“Hökumət belə iştirakın imkanlarını öyrənir”, - deyə, sənəddə vurğulanır.
Oxu.Az
(5).jpeg)
