AZ
RU
Putin “soyqırımın 100 illiyi” üçün İrəvana gedəcək
Rusiya prezidenti Vladimir Putin ermənilərin “soyqırımı” adlandırdığı hadisələrin 100-cü ildönümü ilə bağlı keçiriləcək anım tədbirinə qatılmaq üçün İrəvana səfər edəcək.
"Xeberinfo.com": Məlumata görə, bu barədə Kremldən bildiriblər. Kremlin mətbuat katibi Putinin Yerevana səfərini təsdiqləyərək deyib ki, bu barədə iki prezident arasında olmuş telefon danışığı zamanı qərar verilib.
Ermənistan 1915-ci ildə 1,5 milyon erməninin öldürüldüyünü iddia edir. Türkiyə isə real rəqəmin 500 min olduğunu bildirir və bunun əsasən köç və aclıqla bağlı olduğunu deyir. Aprelin 24-də keçiriləcək tədbir 1915-ci ildə Osmanlı imperiyasında baş verənləri yad etmək üçündür.
Rusiya “erməni soyqırımı”nı tanımış 20 ölkədən biridir.
Ermənistan Rusiyanın Qafqazda ən yaxın müttəfiqidir. Amma bu ilin yanvarında Gümridə bir rus hərbçisi erməni ailəsini qırandan sonra Ermənistanda Rusiyaya qarşı narazılıqlar artıb.
Azpolitika
(5).jpeg)
