AZ
RU
Azərbaycan BMT-də işgəncə hesabatı verəcək
Xeberinfo.com: Məlumata görə, Komitə üzvləri Azərbaycan hakimiyyətinə onları maraqlandıran məsələlərlə bağlı sorğular göndəriblər.
Bu sorğulara insan haqlarını pozan hüquq-mühafizə orqanları əməkdaşlarına qarşı hansı tədbirlərin görüldüyü, hakimlərin tam müstəqilliyinin təminat altına alınması üçün atılan addımlar daxildir. Komitə Azərbaycanda təcridxanalarda və ya polis bölmələrində ölən konkret şəxslərlə bağlı sorğular da verib.
Həmçinin Komitə Azərbaycan hakimiyyətinə polis bölmələrində və təcridxanalarda audio-video müşahidə avadanlıqlarının yerləşdirilməsinə dair tövsiyə verib. İndi sessiyada bu tövsiyəyə dair hansı addımların atıldığı soruşulacaq.
Sessiyada Azərbaycanla yanaşı Avsriya, Danimarka, İordaniya, Çin və Lixtenşteyn də işgəncələrə dair hesabatlarını təqdim edəcəklər. Azərbaycanın hesabatına noyabrın 10-dan 12-dək baxılacaq.
Virtualaz.org
.jpg)
